لاہور ۔27اپریل (اے پی پی):مزن وزیر محمد شہباز شریف ءَ خیبر پختونخوا ءِ صوبہ شمالی وزیرستان ءِ حسن خیل ءِ دمگ ءَ اوگانستان ءَ چہ ناشرکار آنی دست مانجیءُ پترگ ءِ کوشست ءَ را ناکام کنگ ءِ ھاتر ءَ سیکورٹی فورسز ءِ توسیپ کتگ۔ 54 خاورجی ناشرکار اے آپریشن ءِ تہا بیران بوتگ انت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ اے سوبمندیں آپریشن ءِ واستہ سیکورٹی فورسز ءَ را شگر ءُ منت پیش کتگ ءُ گوشت کہ سیکورٹی فورسز ءَ جوانیں پیشہ وارانہ درشان کتگ ءُ ناشرکار آناں وھد ءِ سر ءَ گر ءُ دار کتگ۔ مزن وزیر ءَ گوشت کہ ناشرکاری ءِ ھلاپ ءَ جنگ ءَ سرجمیں راج سیکورٹی فورسز ءِ گوما ھمبراھی ءَ اوشتاتگ۔ پاکستان ءِ سیمورتی فورسز ملک ءِ سیمسر آنی رکھینگ ءُ ناشرکاری ءِ آفت ءِ ھلاسی ءِ واستہ وتی جزم ءِ تہ ءَ بے درور اَنت۔ مزن وزیر ءَ گوشت کہ اے کامیابیں آپریشن ءِ نشانی انت کہ پاکستان ناشرکاری ءِ ھلاپ ءَ جنگ ءَ سوبمند بوھگ ءَ اِنت ءُ ناشرکاری ءِ ھلاپ ءَ مزنیں سوبمندی ءَ حاصل کنگ ءَ اِنت۔
