اسلام آباد۔26اپریل (اے پی پی):مزن وزیر ءِ ھاسیں کمکار ہارون اختر خان ءَ لاہور ءِ منگا منڈی ءَ سوزوکی کمپنی لمیٹڈ ءِ پیش کرتگیں بائیو گیس پلانٹ ءِ جاہ ءِ تر ءُ تاب کتگ۔ سوزوکی کمپنی لمیٹڈ پاکستان ءِ منیجنگ ڈائریکٹر ہیروشی کاوامورا ءَ ہارون اختر خان ءَ را وش آتک کتگ۔ شمبے ءِ روچ ءَ صنعت ءُ پیداوار ءِ وزارت ءِ نیمگ ءَ چہ جاڑی بوتگیں بیان ءِ رد ءَ تر ءُ تاب ءِ ساھت ءَ ھارون اختر خان ءَ سوزوکی ءِ گاڑی آنی واستہ بائیو گیس پلانٹ ءِ جوڑ کنگ ءِ گامگیج ءِ توسیپ کتگ ءُ ایشی ءَ را پاکستان ءِ ساپیں توانائی ءِ آیوکیں وھد ءِ نیمگ ءَ یک ھاسیں گامگیج ءِ رنگ ءَ لیک اتگ۔ آئی ءَ گوشت کہ بائیو گیس پاکستان ءِ آیوکیں باندات انت ایشی ءِ تہ ءَ گرانیں تیل ءُ ایل این جی ءِ درآمد ءِ سر ءَ انحصار ءَ را کم کنگ ءِ توان است انت۔ ہارون اختر خان ءَ یک رندے پدا گوشت کہ مزن وزیر ءِ ’’اُدان پاکستان‘‘ وژن‘ ءِ تہ ءَ ساپ ءُ پائیدار توان ءِ وسیلگ آناں دیمروئی دیگ ءِ سر ءَ دلگوشی دیگ بوتگ۔ آئی ءَ گوشت کہ بائیو گیس ءِ وڑیں منصوبگ نا ایوک ءَ دمگی کشت ءُ کشاری ءَ را معاشی آسراتی دات کن اَنت بلکینگ ءَ چاگرد ءِ رکھینگ ءَ ھم ھاسیں کرد پیلو کن اَنت۔ آئی ءَ سیادی داروکیں واکدار آناں ہدایت کت کہ آ بائیوگیس پلانٹ منصوبگ ءِ زوتیں رنگ ءَ عمل درآمد ءَ دل یکیمی بہ کن اَنت۔ آئی ءَ اے منصوبگ ءَ را چاگرد دوست ءُ معاشی رد ءَ سیت مند لیک اتگ۔ سوزوکی ءِ نمائندگاں اسپیشل اسسٹنٹ ءَ را ھال داتگ کہ اگاں لوٹ بوت گڈا گاڑی پٹرول ءِ سر ءَ ھم چلائینگ بوت کن اَنت۔ ہارون اختر خان ءَ دل یکیمی دات کہ پاکستان ءِ حکومت کاربن ءِ کشگ ءَ را کم کنگ ءُ ساپیں توان ءِ دیمروئی ءِ واستہ ھمک رنگ ءِ کمک ءَ برجاہ دار ایت۔
