شیخوپورہ۔ 26 اپریل (اے پی پی):صنعت، پیداوار ءُ راجی فوڈ سیکیورٹی ءِ وفاقی وزیر رانا تنویر حسین ءَ گشتگ کہ راجی سلامتی کمیٹی ءِ پیسلہ 250ملین مردم آنی واھشت آنی درشان ءَ کن اَنت، پاکستان ءِ دفاع مھکم ءُ ایمنیں دست آنی تہ ءَ اِنت، گوستگیں وھد ءِ وڑ ءَ بھارت ءَ را پاکستان ءَ را مدام یک لائکیں ءُ یک وشیں رنگے ءِ پسو دیگ بیت۔ خطہ ءِ تہا اقتدار ءِ توازن ءِ برجائی ءُ امن ءِ برجائی ءِ تہا مثبت ءُ تعمیری کرد ءِ پیلو کنگ ءَ پد پاکستان ءَ را ہندوستان ءِ مزن وزیر مودی ءِ گِر ءِ رنٹاں چہ ترس ءُ بیم ءِ آماچ نہ بیت، پلواما ڈرامہ ءِ وڑا، پہلگام ڈرامہ ہم دنیا ءِ دیم ءَ بے ننگ بوتگ۔ بھارت ءِ نیمگ ءَ چہ ریاستی ناشرکاری ءُ آپی زوراکی ءِ ھترہ بھارت ءِ مزن وزیر ءِ گھبراہگ ءِ ثبوت اِنت، بھارت ھچ وڑیں نادلگوشی ءِ تہ ءَ مہ بیت، پاکستان ءِ فوجی ءُ سیاسی سروکی ملک ءِ دفاع ءُ ایمنی ءِ واستہ کجام حد ءَ روت۔ اے ھیالانی درشانی آئی ءَ افتتاحی مراگش ءَ ڈپٹی کمشنر شیخوپورہ شاہد عمران مارتھ ءِ گوما میڈیا ءَ گوں تران کنان ءَ ءُ ڈی ایچ کیو ہسپتال ءِ ڈائیلیسس یونٹ ءَ نوکیں مشین آنی پجاری ءِ موہ ءَ تران کنان ءَ کت۔ وفاقی وزیر رانا تنویر حسین ءَ گشتگ کہ بھارتی دھمکی پاکستان ءِ دیمروئی کنوکیں معیشت ءَ را ھراب کنگ ءِ کوشست انت کہ ایشی ءَ را کدی ھم ھیال ءَ دارگ نہ بیت۔ پاکستان امن دوستیں مردمانی ملک اِنت کہ آ دمگ ءَ دائمی امن ءِ قیام ءِ واھشت دار اَنت بلے ھندوستان اے دمگ ءَ تباہی ءِ دلدل ءَ کشگ لوٹ اِیت۔ حکومت ہر قیمت ءَ راجی نپ آنی رکھینگ ءَ کنت۔ راجی سلامتی ءُ راجی وشحالی (ن) لیگ ءِ وژن انت کہ ایشی ءِ ھاتر ءَ وفاقی ءُ پنجاب حکومت زبردستیں گامگیج زورگ ءَ انت۔ پاکستان ءِ دیمروئی ءُ وشحالی ءِ نوکیں دور ءِ بنگیج بوتگ۔ نوں ملک ءِ معیشت گیشتر طاقتور بیت۔ مہلوک ءِ زندگی ءَ مثبت ءُ سازگاریں بدلی اتکگ انت۔ توسعہ ءِ کار آنی یک شبکے ایر کنگ بوتگ ءُ فقر ءُ بیکاری ءِ ھلاسی ءَ چہ الس آناں مثالی ریلیف ءِ پجارینگ دل یکیمی کنگ بوتگ۔ آئی ءَ گردہ ءِ وارڈ ءَ ھم تر ءُ تاب کتگ ءُ نادراہانی داتگیں آسراتی ءِ بابت ءَ ھم جست ءُ پرس کتگ۔
