واشنگٹن ۔26اپریل (اے پی پی):وفاقی وزیر خزانہ ءُ آمدنی سینیٹر محمد اورنگزیب ءَ برطانیہ ءِ وزیر مملکت ءِ میاں اوستمانی دیمروئی بیرنیس چیپمین ءَ گوں میاں اوستمانی مالیاتی فنڈ ءُ ورلڈ بینک ءِ بہار ءِ دیوان ءِ ساھت ءَ گند ءُ نند کتگ۔ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ وزیر ھزانگ ءَ پاکستان ءِ گوما برطانیہ ءِ دیریں شریکداری ءُ ملک ءِ چاگردی ءُاقتصادی دیمروئی ءِ واستہ برجاھیں کمک ءِ سر ءَ آئی ءِ منت واری ءِ درشان کت۔ آئی ءَ آئی ءَ را پاکستان ءِ واستہ ورلڈ بینک ءِ 10سالی ملکی شریکداری فریم ورک (سی پی ایف) ءِ بابت ءَ سرپد کت کہ ایشی ءِ تہ ءَ آبادی ءِ جیڈھ ءُ موسمیاتی ردوم ءِ سر ءَ ھاسیں دلگوشی دیگ بوتگ۔ وزیر خزانہ ءَ ٹیکنالوجی ءِ کارمردی ءَ چہ ٹیکس دہندہ ءُ ٹیکس وصول کنوک آنی نیام ءَ انسانی رابطہ ءَ را کم کنگ ءِ ضلورت ءِ سر ءَ زور پر دات۔ آئی ءَ گوستگیں دو سال آنی دیمروئی کمک ءِ سرجمیں چار ءُ تپاسی ءِ کنگ ءُ یک جوانیں رابطہ کاری ءِ حکمت عملی ءِ جوڑ کنگ ءِ تہ ءَ ریمٹ ءِ کرد ءِ ھم ساڑات۔
