اسلام آباد۔26اپریل (اے پی پی):وفاقی وزیر توان سردار اویس احمد خان لغاری ءَ گشتگ کہ ہندوستان آپ ءَ دزگٹ کنگ لوٹیت، پاکستان آپ ءِ ہر پٹ ءِ رکھینگ ءَ کنت، بنجاہی پی ٹی آئی پاکستان ءِ دیمروئی ءَ چہ وش بوت نہ کنت۔ راج ءِ بہر ءُ بانگ ءَ چہ حکومت کتگ، نفرت ءُ بہر ءُ بانگ ءِ سیاست کتگ۔ مزن وزیر شہباز شریف ءِ سروکی ءَ معیشت پدا زندگ بوھگ ءِ راہ ءَ انت۔ مسلم لیگ ن ورنا آں وشیں باندات ءِ دنت ۔ آ گوستگیں روچ ءَ ملتان ءَ مسلم لیگ (ن) ڈویژن ءِ نیمگ ءَ برجم داشتگیں مچی ءَ گوں گشتانک دیگ ءَ ات۔ وفاقی وزیر ءَ گشتگ کہ مسلم لیگ ن ءَ سیاست نہ کتگ، آئی ءَ ریاست ءِ رکّینگ ءِ جہد کتگ، ءُ ملک ءِ سیاست کتگ، ذات پات ءِ نہ کتگ۔ اویس لیگاری ءَ گوشت کہ دژمن آنی ھلاپ ءَ ھمک روچ نوکیں جنگ کنگی اِنت، تحریک انصاف ءِ بُن ھشت ایر کنوک ءَ ملک ءَ 40 ھزار ناشرکار آباد کتگ اَنت، وتی دور ءَ کشمیر ءِ بہا کتگ، اگاں آ مرچی اودا بوتیں گڑا آئی ءَ آپ ھم بہا کتگ اَت۔ مودی پاکستان ءِ نظریہ ءِ حلاف ءَ پندل سازگ ءَ انت بھارت آپ دزگ لوٹ ایت، پاکستان آپ ءِ ہر تمبر ءِ رکھینگ ءَ کنت، بھارت ءَ اقلیت نا ایمن انت۔ اویس لغاری ءَ گوشت کہ بجلی ءِ نرخ آنی تہ ءَ مزنیں کساسے ءَ کمی بوتگ، الس ءَ را 160ارب کلدار ءِ ریلیف رستگ، نوں صارف وت ریڈنگ ءَ زورگ ءِ وس ءَ کنت، موبائل ءَ چہ میٹر ءِ اکس روان دیگ ءَ بل تیار کنگ بیت۔ راج وتی پوج ءِ گوما اوشتاتگ، تحریک انصاف ءِ بُن ھشت ایر کنوک پاکستان ءِ دیمروئی ءَ چہ وش بوت نہ کنت، آئی ءَ راج ءَ بہر ءُ بانگ کنان ءَ حکومت کتگ، خان صاحب ءَ کینگ ءُ بہر ءُ بانگ ءِ سیاست کتگ، گوگی ءُ گوگا گینگ ءَ ارباں کمائی کتگ۔ وفاقی وزیر ءَ گوشت کہ شہباز شریف ءِ سروکی ءَ معیشت وش بوھگ ءِ راہ ءَ انت، مہنگائی کم بوھگ ءَ انت، معیشت استحکام بوھگ ءَ انت، مسلم لیگ ن ورنا آناں وشیں باندات ءِ دات کنت۔ امریکا ءَ فلسطین ءِ حق ءَ زھرشانی کنوکیں مردمانی توار سرکوب کنگ بوتگ انت، ادا ہرکس ءَ گپ ءُ تران ءِ آجوئی است انت، مغرب ءَ چہ پاکستان ءِ جمہوریت شر انت، آیوکیں 4 سال ءَ پاکستان دیمروئی ءِ راہ ءَ روت۔
