واشنگٹن۔26اپریل (اے پی پی):آئی ایم ایف ءُ ورلڈ بینک ءِ بہار ءِ دیوان ءِ ساھت ءَ وفاقی وزیر ءِ ھزانگ ءُ آمدنی ءِ سینیٹر محمد اورنگزیب ءَ انٹرنیشنل فنانس کارپوریشن ءِ منیجنگ ڈائریکٹر مختار ڈیوپ ءُ آئی ءِ ٹیم ءَ گوں گند ءُ نند کت۔ وزارت خزانہ ءِ نیمگ ءَ چہ جاڑی بوتگیں بیان ءِ رد ءَ وزیر خزانہ ءَ مارچ 2025 ءَ پاکستان ءِ تر ءُ تاب ءِ سر ءَ مختار ڈیوپ ءِ منت واری ءِ درشانی کت۔ وزیر خزانہ ءَ ریکو دیک منصوبگ ءِ واستہ آئی ایف سی ءِ کمک ءِ توسیپ کت ءُ کراچی بالی پٹ ءِ واستہ مشاورتی کار ءَ را ترند کنگ ءِ ضلورت ءِ سر ءَ ھم زور پر دات۔ آئی ءَ آئی ایف سی ءِ منیجنگ ڈائریکٹر ءِ گوما اے گپ ءِ سر ءَ تپاک کت کہ دیمروئی ءِ مول ءُ مراد آنی سرجمی ءَ را گہتر کنگ ءِ واستہ ذیلی راجی حکومت ءُ آھانی صلاحیت سازی ءِ سر ءَ دلگوشی دیگ بہ بیت۔
