اسلام آباد 25 اپریل (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ آپ 24 کروڑ پاکستانی آنی لائف لائن اِنت، بھارت یک نیمگی سندھ ءِ آپانی معاہدے ءَ را ھلاس کنگ نہ کنت، اگاں کسے منی چماں چہ پاکستان ءَ بہ چاریت گڈا پسو ھمے بیت کہ پاکستان ءَ گوں سرجمیں منوگری ءَ معطل کتگ۔ سیمی ملکانی وسیلہ ءَ تجارت ءِ سرا کار کنگ ءَ انت ءُ واگاہ ءِ سیمسر زوت بند کنگ بوتگ۔ جمعہ ءِ روچ ءَ ایوان بالا ءِ دیوان ءَ گوں تران کنان ءَ ایس اسحاق ڈار ءَ سندھ ءِ آپانی معاہدے ءِ یک نیمگی ھلاس کنگ ءِ بھارت ءِ جار ءِ سر ءَ سک باز رد عمل پیش کتگ ءُ گوشت کہ اے منوگری یک ھاسیں ءُ تپاک کتگیں میاں اوستمانی دستاویز اِنت، ایشی ءَ را ھچ یک فریق ءِ نیمگ ءَ چہ ھلاس کنگ نہ بیت۔ آئی ءَ گوشت کہ معاہدے ءِ تہ ءَ اے گپ ھاسیں رنگ ءَ نبشتہ کنگ بوتگ کہ ایشی ءِ ھلاس کنگ ایوک ءَ تپاکی ءَ چہ ممکن اِنت۔ نائب مزن وزیر ءَ گوشت کہ آپ پاکستان ءِ 240ملین مردم آنی “زند ءِ لیکہ” اِنت، ءُ اے جیڈھ راجی ایمنی ءَ گوں بندوک اِنت۔ آئی ءَ ھال داتگ کہ آیوکیں وھد ءَ آپ ءِ جیڑھانی سر ءَ جنگ بوت کنت ءُ پاکستان اے درگت ءَ ھچ وڑیں نرمی ءَ برداشت نہ کنت۔ آئی ءَ گوشت کہ راجی سلامتی کمیٹی ءَ گوستگیں روچ ءَ ھاسیں پیسلہ کتگ انت ءُ حکومت سیاسی سروکی ءَ گوں سرجمی ءَ ھمگرنچی ءَ انت۔ ما سیاسی پیسلہ کتگ انت ءُ نوں درست یکیں صفحہ ءِ سرا انت۔ واجہ اسحاق ڈار ءَ گوشت کہ سفارتی تک ءَ ھم زبردستیں گامگیج کنگ بوھگ ءَ انت۔ گوستگیں روچ ءَ دری کارانی وزیر آناں جاور ھال آنی بابت ءَ سرپدی دیگ بوتگ ءُ مرچی ھم آھاں سفارتی تک ءَ پیشرفت ءِ بابت ءَ سرپدی دیگ بیت۔ نائب مزن وزیر ءَ دو لبزاں گوشت کہ پاکستان ءَ ھندوستان ءَ چہ گیش دو گامگیج زرتگ ءُ اگاں کسے پاکستان ءَ گوں تنقیدی چماں بہ چاریت گڈا ھما پسو دیگ بیت کہ گوستگیں وھد ءَ دیگ بوتگ بلے اے رندی پیسر ءَ چہ گیش سخت ءُ مھکمیں پسو دیگ بیت۔ وزیر ءِ درئی کار اسحاق ڈار ءَ گوشت کہ آ درستیں سیاسی گل آنی منت وار آں کہ آھاں یکجاہ بوتگ ءُ بھارت ءِ گوستگیں زوراکی ءِ سر ءَ لائکیں پسو داتگ۔ ما سیاسی پیسلہ کتگ، ما درست سیاسی رد ءَ یکیں تاک ءَ ایں، ءُ اپوزیشن ءِ سروک ءِ منت وار ایں. آئی ءَ گوشت کہ راجی یکوئی پاکستان ءِ اصل مھکم انت ءُ سیاسی سروکی ءَ دژمن ءَ را تپاکیں کلوہ داتگ کہ مہروانیں وطن ءِ رکھینگ ءِ سر ءَ ھچ وڑیں سوگند نہ بیت۔ گند ءُ نند ءَ تران کنان ءَ دری کارانی وزیر اسحاق ڈار ءَ گوشت کہ پہلگام ءِ وئیل ءَ پد ما ودار ءَ اتیں کہ دیم ءَ چے بیت۔ آئی ءَ براہ راست پاکستان ءِ نام نہ گپتگ، ھچ وڑیں ثبوت نیست کہ پاکستان اے وئیل ءَ گوں سیادی داریت۔ اسحاق ڈار ءَ گوشت کہ سندھ ءِ آپ ءِ منوگری یک نیمگی مھتل کنگ نہ بیت۔ معاہدے ءِ تہا نبشتہ انت کہ اگاں ہلاس کنگ بہ بیت گڑا تپاکی ءَ گوں کنگ بہ بیت۔ وزیر ءِ درئی کار ءَ گوشت کہ سارک ویزہ ءِ سر ءَ ھندی مردم 48 کلاک ءِ تہ ءَ پاکستان ءَ چہ درکپ اَنت۔ آئی ءَ گوشت کہ سفارتی تک ءَ ھم کوشست بوھگ ءَ انت۔ 26 ملک آناں گوستگیں روچ ءَ بریفنگ دیگ بوتگ ءُ جاور ھال آنی بابت ءَ سرپد کنگ بوتگ۔ دگہ آں مرچی بریفنگ دیگ بیت۔ مرچی سعودی ءِ درئی کارانی وزیر گوں من گپ کنگ لوٹیت کہ مرچی شپ ءِ 7 بج ءَ گوں آئی ءَ گپ ءُ تران کنت۔ وزیر ءِ درئی کار ءَ گوشت کہ استیں جاور آنی رد ءَ آئی ءِ ڈھاکہ ءِ تر ءُ تاب مٹ کنگ بوتگ۔ آئی ءَ گوشت کہ من گوستگیں ھپتگ ءَ پد اوگانستان ءِ تر ءُ تاب ءِ بابت ءَ ایوان ءَ سرپد کن آں، بلے ترا سرپد کنگ لوٹ آں کہ من اوگانستان ءِ کش ءَ اوشتاتگ آں ءُ وتی اوگانستان ءِ ھمکار امریز خان مطاقی ءَ را دل یکیمی کتگ کہ نہ پاکستان ءِ سرزمین اوگانستان ءِ ھلاپ ءَ کارمرد کنگ بیت ءُ نہ کہ اوگانستان ءِ سرزمین پاکستان ءِ ھلاپ ءَ کارمرد کنگ بہ بیت۔ دری کارانی وزیر اسحاق ڈار ءَ گشتگ کہ پاکستان ءِ سلاہ بندیں اُرد سرجم ءَ بے اثر انت، ایشی ءَ اگاں کسے مور ءِ چماں بہ چاریت آئی ءَ را انتہامی جواب دیگ بیت۔
