واشنگٹن ۔25اپریل (اے پی پی): بنجاھی وزیر سینیٹر محمد اورنگزیب ءَ ’’آب و ہوا ءِ وشھالی ءَ را ممکن جوڑ کنگ‘‘ ءِ بنگپ ءِ سر ءَ لنرایبل 20 (V20) وزارتی گپ ءُ تران ءَ گوں تران کت۔ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ وزیر ھزانگ ءَ پاکستان ءِ واستہ کلائمیٹ فنانس سٹرٹیجی ءِ بنگیج ءِ سر ءَ زور پر دات۔ آئی ءَ گیش گوشت کہ پاکستان موسمیاتی وشھالی منصوبگ ءَ را گڈی رنگ ءَ دیگ ءَ اِنت ءُ آئی ایم ایف ءِ گوما ریزیلینس ءُ پائیداری آسراتی ءِ چیر دستی ءَ نوکیں بندوبست ءِ سر ءَ اسٹاف لیول ایگریمنٹ ءِ سر ءَ ھم دستخط کنت۔ بنجاھی وزیر محمد اورنگزیب ءَ اے گپ ءِ سر ءَ زور پر دات کہ پاکستان ءِ واستہ ورلڈ بینک ءِ منظور کتگیں 10سالی ملکی شراکت داری پروگرام ءِ تہ ءَ موسمیاتی لچک ءُ ڈی کاربونائزیشن ءَ را یک کلیدی ستون ءِ رنگ ءَ ھوار اِنت۔ آئی ءَ گوشت کہ سرمایہ کاری ءُ بینک ءِ لائکیں منصوبگ آنی دیمروئی ءِ واستہ صلاحیت ءِ کمی یک چیلنج اِنت۔ آئی ءَ میاں اوستمانی مالیاتی نظام ءِ اصلاحات ءِ ضلورت ءِ سر ءَ زور پر دات تانکہ ھما ملک آنی اقتصادی لچک، برجائی ءُ وشھالی ءَ را گیش کنگ بہ بیت کہ آ چاگردی اثرات ءَ چہ گیش آماچ اَنت۔
