واشنگٹن ۔25اپریل (اے پی پی): بنجاھی وزیر خزانہ سینیٹر محمد اورنگزیب ءَ واشنگٹن ءَ میاں اوستمانی مالیاتی فنڈ ءِ میاں اوستمانی ءُ میاں اوستمانی ایشیا ءِ ڈائریکٹر جہاد ازور ءَ گوں گند ءُ نند کتگ۔ گند ءُ نند ءَ پاکستان ءِ معیشت ءُ برجاھیں اصلاحات ءِ گامگیج آنی سر ءَ ھیال ریچی کنگ بوت۔ وزیر خزانہ ءَ آئی ایم ایف ءِ پاکستان ءِ کمک ءِ ھاتر ءَ ھاسیں رنگ ءَ توسیعی فنڈ آسراتی (ای ایف ایف) ءِ چیر دستی ءَ اولی چار ءُ تپاسی ءُ لچک ءُ پائیداری آسراتی (آر ایس ایف) ءِ نوکیں بندوبست ءِ سر ءَ اسٹاف لاوال معاہدے ءِ منت گپت۔ آئی ءَ یک رندے پدا گوشت کہ پاکستان ءِ حکومت گوستگیں یک ءُ نیم سال ءِ تہ ءَ رستگیں اقتصادی کامیابی آناں برجم دارگ ءَ دیمروئی ءِ راہ ءَ انت ءُ اے کامیابی آناں گیش مھکم کنگ ءِ واستہ جزم انت۔ واجہ اورنگزیب ءَ گوشت کہ گلوبل کریڈٹ ریٹنگ ایجنسی فچ ءِ نیمگ ءَ پاکستان ءِ سوورن کریڈٹ ریٹنگ ءِ تہ ءَ گہتری اے گپ ءِ ثبوت اِنت کہ ملک دیمروئی ءِ راہ ءَ روگ ءَ اِنت۔ کتگیں اصلاحات ءِ سرا میاں اوستمانی تک ءَ توسیپ کنگ بوھگ ءَ انت۔
