واشنگٹن۔25اپریل (اے پی پی): بنجاھی وزیر خزانہ سینیٹر محمد اورنگزیب ءَ ورلڈ بینک ءِ ڈیٹا ٹرانسفارمیشن ءِ نائب صدر برائے ڈیجیٹل ٹرانسفارمیشن سنگبو کم ءَ گوں گند ءُ نند کتگ ءُ پاکستان ءَ برجاھیں ڈیجیٹلائزیشن ءِ کوشست آنی بابت ءَ ھیال ءُ لیکہ آنی درشان کتگ۔ گند ءُ نند ءِ ساھت ءَ بنجاھی وزیر ھزانگ ءَ ڈیٹا پاکستان پالیشی ءِ چیر دستی ءَ کنگ بوھوکیں گامگیج آنی بابت ءَ حکومت ءَ را سرپد کت۔ آئی ءَ ھاسیں رنگ ءَ ٹیکس ءِ نظام ءِ تہ ءَ اصلاحات ءُ فیڈرل بورڈ آف ریونیو ءِ سرجمیں ڈیجیٹلائزیشن ءِ سر ءَ زور پر دات ءُ انسانی وسیلگ، کارروائی ءُ ٹیکنالوجی ءِ یکجا کنگ ءِ سر ءَ زور پر دات۔ واجہ اورنگزیب ءَ جتا جتائیں سرکاری ادارگ آنی نیام ءَ موثر رابطہ ءِ ضلورت ءِ سر ءَ ھم زور پر دات تانکہ ڈیٹا ءِ بدلی ءِ عمل گیش ءَ چہ گیش آسان ءُ موثر بہ بیت۔ آئی ءَ ورلڈ بینک ءَ چہ لوٹ کت کہ آ پاکستان ءِ ملکی شریکداری پروگرام (سی پی ایف) ءِ سوبمندیں رنگ ءَ سرجمی ءَ را کمک بہ کنت، تانکہ ٹیکنالوجی ءِ جوانیں کارمردی ءِ وسیلگ ءَ پروگرام ءَ را موثر جوڑ کنگ بہ بیت۔ وزیر ءِ ھزانگ ءَ پاکستان ءِ ڈیٹا سفر ءِ ھوالگ ءَ ورلڈ بینک ءَ چہ رہشونی لوٹگ ءِ واھشت ءِ درشان کت ءُ اگاں ضلورت بوت گڈا حکمت عملی ءَ را بدل کنگ ءِ واھشت ءِ ھم درشان کت۔ بنجاھی وزیر خزانہ ءَ ورلڈ بینک ءِ ڈیٹا ٹرانسفارمیشن ءِ نائب صدر سنگبو کیم ءَ را پاکستان ءِ تر ءُ تاب ءِ دعوت داتگ۔
