اسلام آباد۔25اپریل (اے پی پی): وزارت مذہبی امور ءَ گشتگ حج 2025 ءِ بالی گراب 29 اپریل ءَ چہ بندات بیت، اولی حج ءِ بالی گراب اسلام آباد ءِ میاں اوستمانی بالی پٹ ءَ چہ روان بیت۔ سعودی عرب ءِ مذہبی امور ءُ سفر ءِ بنجاھی وزیر نواف سعد المالکی اولی حج ءِ بالی گراب ءَ پرچم ءِ سرا ایر کنت۔ وزارت مذهبی امور ءِ جارکش ءِ رد ءَ ھما زائرین کہ آھانی حج ءِ بالی گراب ھست آ وتی ویزہ، ٹکٹ ءُ لٹّک چہ ھما شھر ءِ ھمگرنچیں حج کیمپ ءَ رس اَنت کہ آ چہ ھما شھر ءَ بالی گراب ءَ روگ ءَ اَنت۔ کلیں پتے پاک حج ایپ ءِ سرا دست کپ انت۔ پاک حج موبائل ایپ ءِ وسیلگ ءَ حجج ءِ زیارتی مردم وزارت ءِ مذہبی امور ءِ نیمگ ءَ چہ رستگیں ہدایتانی سرا عمل بہ کن انت۔ آئی ءَ گوشت کہ اے سال ءَ حکومتی سکیم ءِ رد ءَ 89 ہزار ءَ چہ گیش پاکستانی حج کن اَنت، ءُ حج ءِ بالی آپریشن یک ماہے ءَ برجاہ بیت۔ ترجمان ءَ گوشت کہ حج ءِ زائرین ءَ چہ لوٹ کنگ بوتگ کہ آ وتی وتی حج کیمپ آنی گوما ویکسینیشن ءِ عمل ءَ را وھد ءِ سر ءَ سرجم بہ کن اَنت ءُ حج ءِ ھوالگ ءَ وزارت مذہبی کار آنی نیمگ ءَ داتگیں ہدایت آنی سر ءَ سک باز عمل بہ کن اَنت۔
