واشنگٹن۔25اپریل (اے پی پی): آئی ایم ایف ءُ ورلڈ بینک ءِ بہار ءِ دیوان ءِ ساھت ءَ واشنگٹن ڈی سی ءَ بنجاھی وزیر خزانہ ءُ آمدنی فچ محمد اورنگزیب ءَ سروکیں گلوبل کریڈٹ ریٹنگ ایجنسی ’’فچ ریٹنگز‘‘ ءِ سروک ءَ گوں گند ءُ نند کتگ۔ اے موہ ءِ سر ءَ وزیر ءِ ھزانگ ءَ پاکستان ءِ کریڈٹ ریٹنگ ءَ را سی سی سی + ءَ چہ بی ءَ سر کنگ ءِ ھاترا فچ ٹیم ءِ منت گپت۔آئی ءَ گوشت کہ اے دیمروئی پاکستان ءَ جاری جائیداد اصلاحات، اقتصادی نظم ءُ ضبط ءُ اقتصادی استحکام ءِ عکس اِنت ایشی ءَ چہ نہ ایوک ءَ سرمایہ کار آنی دلبڈی بحالی بیت بلکیں پاکستان ءَ را جھان ءِ جائیداد ءِ مارکیٹ آنی تہ ءَ جوانیں رسائی ھم رس ایت۔ وزیر خزانہ ءَ حکومت ءِ اصلاحات ءِ ایجنڈا ءِ بابت ءَ حاضرین ءَ را سرپد کت، ایشی ءِ تہ ءَ توان ءِ شوبگ ءَ را گہتر کنگ، ٹیکس ءِ نظام ءَ را اصلاحات کنگ، سرکاری ادارگ آنی کارکردگی ءَ را گیش کنگ، سرکاری مالیات ءِ بندوبست ءُ قرض آنی گہتریں بندوبست ھوار انت۔ فچ ٹیم ءَ آمدنی ءِ تہ ءَ گیشی، ٹیرف ءِ اصلاحات ءُ ٹیکس انتظامیہ ءِ ھوالگ ءَ جُست ءُ پُرس کتگ کہ ایشی ءِ سر ءَ وزیر ھزانگ ءُ آئی ءِ ٹیم ءَ سرجمیں پسو داتگ ءُ حکومت ءِ کارروائی آنی بابت ءَ سرپدی داتگ کہ آ شفافیت ءِ گوما کنگ بوھگ ءَ اَنت۔
