مزن وزیر شہباز شریف ءَ   پی آئی اے ءِ پرائیویٹائزیشن  ءِ ساپ ءُ سلہ  ئی ءُ  گیشینتگیں وھد ءُ پاس ءِ تہ ءَ پرائیویٹائزیشن   ءَ را دل یکیمی جوڑ کنگ ءِ پنت ءُ شون

اسلام آباد۔25اپریل  (اے پی پی): مزن وزیر محمد شہباز شریف ءَ پی آئی اے ءِ نجکاری ءِ تہ ءَ شفافیت ءِ دل یکیمی کنگ ءُ پیش کرتگیں ٹائم فریم ءِ گوما نجکاری ءِ حکمت عملی ءِ جوڑ کنگ ءِ ہدایت کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے ہدایت وتی سروکی ءَ پاکستان انٹرنیشنل ایئر لائنز ءِ نجکاری ءِ ھوالگ ءَ چار ءُ تپاسی دیوان ءَ داتگ اَنت۔ گند ءُ نند ءَ بنجاھی وزیر خواجہ محمد آصف، احد خان چیمہ، عطاء اللہ تارڑ، اٹارنی جنرل منصور اعوان، مشیران محمد علی، سید توقیر شاہ، وزیرِ مملکت بلال اظہر کیانی، معاون خصوصی ہارون اختر، نیشنل کوارڈینیٹر خصوصی سرمایہ کاری سہولت   کونسل لیفٹیننٹ جنرل سرفراز احمد  ءُ سیادی داروکیں کارندہ آں  بہر زرتگ۔ مسئولین ءِ سرا اتکگ۔ گند ءُ نند ءَ مزن وزیر ءَ را نیلامی ءِ کارروائی ، لوٹوکیں وھد ءُ نیلامی ءَ بہر زورگ ءِ شرط آنی بابت ءَ سرپد کنگ بیت۔ مزن وزیر ءَ ہدایت کت کہ پی آئی اے ءِ نجکاری ءِ تہا شفافیت ءَ را گیش ءَ چہ گیش ارزشت دیگ بہ بیت ءُ پیش کرتگیں ٹائم فریم ءِ تہا نجکاری سرجم کنگ بہ بیت۔ مزن وزیر ءَ پی آئی اے ءِ نجکاری ءِ واستہ ءُ سرمایہ کار آنی سرجمیں دل یکیمی ءَ را دل یکیمی کنگ ءِ واستہ روڈ شوز ءِ ھم ہدایت کتگ۔ مزن وزیر ءَ گوشت کہ پی آئی اے ءِ نجکاری ءِ عمل ءَ شفافیت ءَ را مرکزی ارزشت دیگ بہ بیت۔ مزن وزیر ءَ ہدایت کت کہ شفافیت پیداک کنگ ءِ ھاتر ءَ آیوکیں وھد ءَ پی آئی اے ءَ ھوار توامیں سرکاری کمپنی آنی نجکاری ٹیلی ویژن ءُ ڈیٹا پلیٹ فارم آنی سر ءَ براہ راست شنگ کنگ بہ بیت۔ دیوان ءَ را ھال دیگ بیت کہ سرمایہ کار آؤٹ ریچ ءِ ھاتر ءَ کنسلٹنٹ ءِ کمک ءَ یک جامع حکمت عملی ءِ جوڑ کنگ بوتگ ءُ ایشی ءِ سر ءَ سرجمی ءَ عمل کنگ بوھگ ءَ اِنت۔