اسلام آباد۔25اپریل (اے پی پی): مزن وزیر محمد شہباز شریف ءَ گشتگ کہ ملک ءَ چہ ملیریا ءِ ھلاسی ءِ ھاتر ءَ حکومت المی ئیں گامگیج کنگ ءَ انت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ملیریا ءِ جھان ءِ روچ ءِ سر ءَ وتی پیغام ءِ تہ ءَ گوشت کہ ملیریا ءِ جھان ءِ روچ میاں اوستمانی تک ءَ عملی گامگیج زورگ ءِ عزم ءِ نوک کنگ ءِ روچ اِنت، ملیریا ءِ ھلاسی ءُ علاج ءِ لائکیں نادراھی ءِ ھلاپ ءَ جنگ ءَ سرجمیں رنگ ءَ دیم ءَ روگ ءِ روچ اِنت۔ اے سال ءِ بنگپ – “ملیریا ءِ ھلاسی: سرمایہ کاری، گیشیں کوشست ءُ نوکیں جنبشانی وسیلگ ءَ” – ءِ مول ءُ مراد ایش انت کہ ھرچ پڑ ءَ کوشست آناں نوکیں توانائی ءِ دیم ءَ آرگ بہ بیت، چہ جھان ءِ پالیسی ءَ بگر داں چاگردی کارروائی ءَ، تانکہ ملیریا ءِ ھلاسی ءِ نیمگ ءَ دیمروئی ءَ را ترند کنگ بہ بیت۔ حکومت ءُ ملک ءِ سروکی راجی ملاریا پروگرام ءُ جان سلامتی ءِ نظام ءِ اصلاحات ءُ حکمت عملی ءِ وسیلگ ءَ دوریں دمگاں ملاریا ءِ سر بوھگ ءُ ھلاس کنگ ءِ ھاترا جزم انت۔ مزن وزیر ءَ ملیریا ءِ جہانی روچ ءِ درگت ءَ توامیں اسٹیک ہولڈر، حکومت، سول سوسائٹی، جان سلامتی ءِ کارندہ ءُ الس ءَ را لوٹ کتگ کہ آ یکجاھی ءَ بہ بنت۔ آئی ءَ چہ میاں اوستمانی براتی ءَ لوٹ کت کہ آ یکجاہ بہ بنت ءُ اے ھاسیں مشن ءِ ھاتر ءَ کار بہ کن اَنت۔
