اسلام آباد۔24اپریل (اے پی پی): وزیر دفاع خواجہ محمد آصف ءَ گشتگ کہ مقبوضہ کشمیر ءَ 9لکھ فوجی ءِ ساڑی ءَ اے وڑیں وئیل نوکیں جنگ ءِ برابر انت۔ اے وئیل ءَ چہ سیاسی سوبمندی ءِ امکان است انت یا لہتیں بہانہ ءَ پاکستان ءَ نشانگ جوڑ کنگ ءِ امکان است انت۔ بی ایل اے ءُ اوگانستان ءَ چے بوھگ ءَ اِنت ھندوستان ءِ پاد ءِ نشان ءُ انگلانی نشان گندگ ءَ کاینت۔ ریاست ءِ بستار ءَ ہندوستان ءَ ناشرکاری امریکہ ءُ کینیڈا ءَ برآمد کتگ۔ دوئیں ملکاں ایشی ءِ ھلاپ ءَ زھرشانی کتگ ات، ھما حد ءَ کہ کانادا ءَ گوں آھاں سفارتی سیادی ھترناک کتگ ات۔ آ پنچ شمبے ءِ روچ ءَ پی ٹی وی ءِ بنجاھی کارگس ءَ نائب مزن وزیر ءُ وفاقی وزیر آنی ھمراھی ءَ پریس کانفرنس ءَ گوں گشتانک دیگ ءَ ات۔ وزیر دفاع خواجہ محمد آصف ءَ گشتگ کہ میاں اوستمانی براتی ءَ ہندوستان ءَ بوتگیں وئیل ءُ آہانی الزاماں نوٹس زورگ لوٹیت۔ مودی دنیا ءِ راجدپتر ءِ تہ ءَ یکیں حاکم اِنت کہ آئی ءِ سر ءَ امریکہ ءَ ویزا ءِ بندش جتگ۔ سر وزیر ءِ بستار ءَ آئی ءَ 2200 مسلمان کشتار کتگ اَنت۔ دنیا ءِ ہچ ملک ءَ ناشرکار ءِ سرٹیفکیٹ نیست۔ آئی ءَ گوشت کہ مقبوضہ کشمیر ءَ 9لکھ فوجی آنی ھست بوھگ ءِ تہ ءَ اے وڑیں وئیل ءِ بوھگ ءِ امکان ھم چارگ بہ بیت، اے یک چالاکی یے یا اے یک انچیں وئیلے کہ سیاسی سوبمندی ءِ ھاترا جھد کنگ ءَ اِنت یا پاکستان ءَ را ھچ بہانہ ءَ نشانگ جوڑ کنگ ءِ ھاترا جھد کنگ ءَ اِنت۔ آئی ءَ گوشت کہ ما دگنیا ءِ ھمک کنڈ ءَ ناشرکاری ءِ ھمک رنگ ءِ مذمت کناں، پاکستان ایوکیں ھما ملک اِنت کہ ایشی ءِ تہ ءَ ناشرکاری گیش ءَ چہ گیش آماچ بوتگ۔ بی ایل اے ءُ ٹی ٹی پی ءِ اسپانسر ءُ سروکی ھندوستان ءَ نشتگ انت ءُ آ پاکستان ءَ ناشرکاری ءِ اسپانسر کنگ ءَ انت ۔ وزیر دفاع ءَ گوشت کہ بی ایل اے ءُ اوگانستان ءِ گوما چے بوھگ ءَ انت ایشانی تہ ءَ بھارت ءِ پاد ءُ انگل ءِ نشان گندگ ءَ کیت۔ آئی ءَ گوشت کہ یک ریاست ءِ بستار ءَ بھارت ءَ ناشرکاری امریکہ ءُ کینیڈا ءَ برآمد کتگ، دوئیں ملکاں ایشی ءِ ھلاپ ءَ زھرشانی کتگ، تانکہ کینیڈا ءَ گوں آھاں سفارتی سیادی ءَ را ھترناک کتگ۔ امریکہ ءَ ھم ھمے وڑ بوتگ۔ آئی ءَ گوشت کہ اگاں بھارت کجام ھم گامگیج چست کنت گڈا ما لائکیں پسو ءَ دئیں۔ ہندوستان ءَ ہوار میان استمانی براتی ءَ را ہچ وڑیں شک ءُ شبہ مہ بیت۔ مارا وتی دفاع ءِ ھرچ وڑیں حق ھست۔ آئی ءَ گوشت کہ پاکستان ءِ مستریں ءُ زندگیں گواہ کلبھوشن جادھو اِنت، آئی ءِ یلہ کنگ ءِ واستہ بھارت میاں اوستمانی آمید گس ءَ کیس کنگ ءَ اِنت، یک کمیشنڈ افسرے پاکستان ءِ دست ءَ اِنت۔ آئی ءَ گوشت کہ گوستگیں بیست ءُ سی سال آنی تہ ءَ پاکستان ءَ ناشرکاری ءِ تہ ءَ اے گپ ءِ سنگینیں شوھاز است انت کہ پاکستان ءَ ناشرکاری ءِ کار آنی تہ ءَ بھارت ءِ ھوار انت۔ ہندوستان ءِ عمل ءَ مئے ہلاپ ءَ جنگ ءِ جار جتگ ۔ بھارت مئے ھلاپ ءَ ناشرکاری ءِ کم شدت ءِ جنگ ءَ اِنت۔ اگاں گیش کنگ بہ بیت گڈا پاکستان ہم ایشی ءِ واستہ تیار انت۔ کس ءَ اے گپ ءِ سر ءَ شک مہ بیت کہ آ وتی ملک ءُ دمگ ءِ رکھینگ ءِ ھاترا ھچ وڑیں زور ءُ زوراکی ءِ آماچ نہ بنت۔ پلواما ءِ واقعہ ءَ پد ما داتگیں پسو انگت دنیا ءِ تہا مثال انت۔ مئے فورسز ءُ 240 ملین مردم پاکستان ءِ ہر انچ ءِ رکھینگ ءَ زاننت۔ آئی ءَ گوشت کہ ھما پروپیگنڈا کہ گوستگیں دو روچ ءَ کنگ ءَ انت اگاں آ دگہ رنگے ءَ بہ زور انت گڈا پاکستان ءِ یکوئی سرجمی ءَ پدر بیت ءُ ھندوستان ھم زانت کہ ما چونیں پسو دات کن ایں ۔
