پہلگام ءِ واقعہ ءِ پد ءَ بھارتی حکومت ءِ زوراکیں رویہ ءِ سرا افسوس ءُ ناقابل برداشت انت، علی امین گنڈا پور

پشاور۔ 24 اپریل (اے پی پی): بنجاھی وزیر خیبر پختونخوا سردار علی امین گند پور ءِ سروکی ءَ صوبائی کابینہ ءِ 31می دیوان برجم دارگ بوت۔ گند ءُ نند ءَ بنجاھی وزیر گنڈا پور ءَ گوشت کہ پہلگام ءِ وئیل افسوس ءِ گپ اِنت، وھدیکہ ما ملک ءِ یکوئی ءُ راجی مفاد ءِ واستہ یکجا ایں ۔ آئی ءَ بھارتی حکومت ءِ اے رویہ ءِ سک باز مذمت کتگ ءُ گوشت کہ اے وئیل ءِ درگت ءَ بھارتی حکومت ءِ زوراکیں رویہ افسوس ءُ ناقابل برداشت انت۔ ما بھارت ءِ نیمگ ءَ چہ ھرچ وڑیں زوراکی ءِ سرا لائکیں پسو دیگ ءِ ھاترا تیار ایں ۔ مودی سرکار یک جوانیں منصوبہ بندیں سازش ءِ چیر دستی ءَ پہلگام ءِ واقعہ ءَ پاکستان ءِ ھلاپ ءَ کارمرز کنگ ءِ ناکامیں کوشست کنگ ءَ اِنت۔ آئی ءَ گوشت کہ اے وئیل بھارتی حکومت ءِ ناکامی ءِ یک پدریں ثبوت اِنت، وھدیکہ اے گپ ءِ سرا اپسوز اِنت کہ اے وئیل ءَ گران بھائیں انسانی جان گار بوتگ اَنت، بھارتی حکومت وتی نااہلی ءَ را پُشدر کنگ ءِ ھاترا پاکستان ءِ ھلاپ ءَ زھر ءِ ٹپّگ ءَ اِنت، کہ اے گپ بالکل ناقابل برداشت اِنت، اگاں بھارتی حکومت اے یونٹ ءَ را ھرچ وڑیں زوراکی ءِ کوشست ءَ بہ کنت کہ ما یک یونٹے ءَ بہ کنیں۔ پہ ملک ءِ یکوئی ءُ راجی مفاد ءَ اے درگت ءَ ھچ وڑیں قربانی ءِ رکینگ نہ بیت۔ گند ءُ نند ءَ آئی ءَ اے گپ پدر کت کہ بھارتی حکومت ءِ زوراکیں رویہ مدام دمگی امن ءِ ھاترا ھترہ بوتگ۔