اسلام آباد۔24اپریل (اے پی پی): راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گوشت کہ مزن وزیر محمد شہباز شریف مائیکرو لیول ءَ کشت ءُ کشاری ءِ سر ءَ دلگوشی دیگ ءَ اِنت، کوالٹی ءِ کپاس ءُ برنج ءِ دان ءِ پجارینگ مئے اولی ترجی اِنت۔ نا معیاری کپاس ءُ برنج ءِ توم پیداک کنوکیں 392 کمپنی آنی لائسنس رد کنگ بوتگ۔ اے ھیالانی درشانی آئی ءَ وفاقی کمیٹی برائے زراعت ءِ دیوان ءِ ساھت ءَ کت۔ آئی ءَ گوشت کہ کشت ءُ کشاری شوبگ ءِ دیمروئی ءَ چہ کشت ءُ کشاری ءِ گہبودی گیش بیت ءُ معیشت ھم مھکم بیت ۔ آئی ءَ گوشت کہ کشت ءُ کشاری پیداوار ءَ را گیش کنگ ءِ واستہ سرٹیفائیڈ توم ءِ سپلائی ءَ را دل یکیمی کنگ بوھگ ءَ اِنت، نا معیاری کپاس ءُ برنج ءِ توم جوڑ کنوکیں 392کمنی آنی لائسنس ھلاس کنگ بوتگ، توم کمپنی آنی نگرانی ءِ اختیارات صوبگ آناں دیم دیگ بوتگ ءُ اے درگت ءَ نیشنل آتھو ریگولیٹری ای سیڈ مانیٹرنگ کنگ بوتگ۔ آئی ءَ گوشت کہ کشت ءُ کشار ءِ شوبگ ءَ نوآبادیاتی آرگ ءِ واستہ ورنا نوکیں زانت ءُ زانشت ءَ چہ دزگیر کنگ بوھگ ءَ انت، اے درگت ءَ ورنا ٹریننگ ءِ واستہ چین ءَ دیم دیگ بوتگ انت، چین ءَ روگ ءَ ورنا آنی تہ ءَ بلوچستان ءِ واستہ 10درسد کوٹہ ایر کنگ بوتگ۔ آئی ءَ گوشت کہ چین مئے جوانیں سنگت انت، چینی حکومت ءَ زرعی مشینری تحفہ داتگ، ایشی ءَ چہ اے شوبگ ءِ سر ءَ جوانیں اثر کپ ایت۔ آئی ءَ گوشت کہ چین ءِ داتگیں کشت ءُ کشاری مشینری وفاق ءُ توامیں صوبہ آنی نیام ءَ بھر ءُ بانگ کنگ بنت، چینی کشت ءُ کشاری مشینری آنی کارمردی ءَ چہ یک ایکڑ ءِ پیداوار گیش بیت ءُ فصل بازار ءَ سر بنت۔ آئی ءَ گوشت کہ کشت ءُ کشاری ءِ شوبگ ءَ را گہتر کنگ ءِ واستہ صوبگ آنی گوما ھمکوپگی ءَ بازیں گامگیج چست کنگ بوتگ ایشی ءَ چہ جوانیں آسراتی رسگ ءَ انت۔
