نائب مزن وزیر سینیٹر محمد اسحاق ڈار ءَ ازبکستان ءِ دری کارانی وزیر ءَ را ٹیلی فون کتگ ءُ سئے ملکی ریلوے لائن منصوبگ ءِ بابت ءَ کابل ءَ بوؤکیں گپ ءُ تران ءِ بابت ءَ سرپد کتگ

اسلام آباد۔24اپریل  (اے پی پی): نائب مزن وزیر ءُ درئی کارانی وزیر سینیٹر محمد اسحاق دار ءَ جمہوریہ ازبکستان ءِ درئی کارانی وزیر سیدوف بختیار اودیلوویچ ءَ گوں ٹیلی فون ءِ سر ءَ گپ ءُ تران کت۔ دری کارانی کارگس ءِ رد ءَ نائب مزن وزیر ءَ ازبکستان اوگانستان پاکستان ریلوے لائن منصوبگ ءِ ھوالگ ءَ کابل ءَ آئی ءِ گوما گوستگیں گپ ءُ تران ءِ بابت ءَ آئی ءَ را سرپدی دات ءُ امیت سہرا کت کہ سئیں ملک اے ھاسیں دمگی رابطہ منصوبگ ءِ واستہ زوت یک فریم ورک منوگری ءِ سر ءَ دستخط کن اَنت۔ دوئیں رہشون آنی تہ ءَ دو نیمگی سیادی آناں مھکم کنگ، اقتصادی ءُ تجارتی سیادی آناں گیش کنگ، مردم آنی نیام ءَ سیادی آناں دیمروئی دیگ ءُ انوگیں دمگی ءُ میاں اوستمانی جیڈھ آنی سر ءَ گپ ءُ تران کت۔