واشنگٹن۔24اپریل (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ پاکستان ءِ چاگردی ءُ اقتصادی دیمروئی ءِ واستہ چین، سعودی عرب ءُ متحدہ عرب امارات ءِ برجاھیں کمک ءِ توسیپ کتگ ءُ اقتصادی اصلاحات ءِ پروگرام ءِ واستہ مھکمیں کمک ءِ واستہ اے ملک آنی منت گپتگ۔ آئی ءَ گوشت کہ پاکستان ءَ اقتصادی اصلاحات ءِ عمل برجاہ بیت، وانگ ءُ زانگ، مالی شمولیت، کاروباری موہ، ءُ زالبول ءُ جنک آناں بااختیار کنگ حکومت ءِ اولی ترجی آنی تہ ءَ ھوار انت۔ آئی ءَ اے ھیالانی درشانی گوستگیں روچ ءَ واشنگٹن ڈی سی ءَ آئی ایم ایف ءُ ورلڈ بینک ءِ بہار ءِ دیوان ءِ ساھت ءَ چین، سعودی عرب، امارات، ترکی ءِ ھزانگ ءِ وزیر، ہالینڈ ءِ ملکہ میکسیما ءُ میاں اوستمانی مالیاتی ادارگ آنی مزنیں کارندہ آں گوں گند ءُ نند ءِ ساھت ءَ کت۔ چین ءِ وزیر ءِ ھزانگ لان فوآن ءِ گوما گند ءُ نند ءِ ساھت ءَ ھزانگ ءِ وزیر ءَ جولائی 2024 ءَ تومنگ ءَ وتی چینی ھمکار ءِ گوما گوستگیں گند ءُ نند ءِ ذکر کت ءُ پاکستان ءِ چاگردی ءُ اقتصادی دیمروئی ءِ واستہ چین ءِ برجاھیں کمک ءِ توسیپ کت۔ وزیر ءِ ھزانگ ءَ آئی ایم ایف ءِ توسیپی فنڈ آسراتی ءِ چیر دستی ءَ پاکستان ءِ اقتصادی اصلاحات پروگرام ءِ مھکمیں کمک ءِ سر ءَ چینی حکومت ءِ منت گپت۔ وزیر خزانہ ءَ وتی چینی ہم منصب ءَ را پاکستان ءَ ٹیکس، توانائی، نجکاری، سرکاری مالیات، ءُ سرکاری ادارگ آنی وڑیں شوبگ آنی تہ ءَ کنگ بوتگیں کلیدی اصلاحات آنی بابت ءَ سرپدی دات۔ آئی ءَ وتی چینی ہم منصب ءَ را پانڈا بانڈ ءِ نوکیں جاور ھال ءِ بابت ءَ ھم سرپدی دات ءُ پیپلز بینک آف چین ءَ چہ لوٹ کت کہ آ پانڈا بانڈ ءِ جاری کنگ ءِ عمل ءَ را کمک بہ کنت۔ آئی ءَ چین ءِ ھزانگ ءِ وزیر ءَ را پاکستان ءِ تر ءُ تاب ءِ دعوت ھم داتگ۔ سعودی عرب ءِ وزیر ھزانگ محمد الجدان ءَ گوں گند ءُ نند ءَ وزیر ھزانگ ءَ پاکستان ءِ اقتصادی دیمروئی ءِ سفر ءَ سعودی عرب ءِ برجاھیں کمک ءِ توسیپ کت۔ آئی ءَ ھاسیں رنگ ءَ آئی ایم ایف ءِ پروگرام ءِ تہ ءَ کمک ءِ ھاتر ءَ آھانی منت گپت۔ وزیر خزانہ ءَ پاکستان ءَ سعودی سرمایہ کاری ءَ را وش اتک کت ءُ حکومت ءِ وتی اصلاحاتی ایجنڈا ءِ سرا عزم ءِ پدا زور دات۔ ھزانگ ءِ وزیر ءَ سعودی ءِ ھزانگ ءِ وزیر ءَ را پاکستان ءِ تر ءُ تاب ءِ دعوت ھم داتگ۔ وزیر ءِ ھزانگ ءَ امارات ءِ ھزانگ ءِ وزیر مملکت محمد بن ھادی الحسینی ءَ گوں گند ءُ نند کت۔ آئی ءَ وتی امارات ءِ ہم منصب ءَ را پاکستان ءِ اقتصادی اشاریہ، میاں اوستمانی کریڈٹ ریٹنگ ایجنسی فچ ءِ نیمگ ءَ پاکستان ءِ وت واجہی کریڈٹ ریٹنگ ءِ اپ گریڈ ءُ حکومت ءِ نجکاری ءِ ایجنڈا ءِ بابت ءَ سرپدی دات۔ آئی ءَ گوشت کہ پاکستان ءَ آئی ایم ایف ءِ توسیپی فنڈ آسراتی پروگرام ءِ چیر دستی ءَ اولی چار ءُ تپاسی ءُ لچک ءُ پائیداری آسراتی ءِ چیر دستی ءَ کارندہ آنی تک ءِ منوگری ءِ سر ءَ دستخط کتگ۔ آئی ءَ حکومت ءُ کاروباری تک ءَ امارات ءِ سرمایہ کار آنی دلچسپی ءِ توسیپ کت ءُ مفاہمت آناں عملی معاہدہ آنی تہ ءَ بدل کنگ ءِ ضلورت ءِ سر ءَ زور پر دات۔ آئی ءَ کریپٹو کرنسی ریگولیشن ءِ تہ ءَ امارات ءِ تجربگ ءَ چہ فائدہ چست کنگ ءِ تہ ءَ ھم دلگوشی ءِ درشانی کتگ۔ ھزانگ ءِ وزیر ءَ امارات ءِ ھزانگ ءِ وزیر ءَ را پاکستان ءِ تر ءُ تاب ءِ دعوت ھم داتگ۔ ایشیائی انفراسٹرکچر انویسٹمنٹ بینک ءِ صدر جن لیکون ءِ گوما گند ءُ نند ءَ وزیر ءِ ھزانگ ءَ پاکستان ءِ چاگردی ءُ اقتصادی دیمروئی ءِ واستہ دراجیں مدت ءِ کمک ءِ واستہ بینک ءِ شگر ءُ منت گپت۔ گند ءُ نند ءَ پاکستان ءَ جاری ءُ آیوکیں دیمروئی منصوبگ آنی واستہ بینک ءِ نیمگ ءَ مالی کمک ءِ سر ءَ ھیال ریچی کنگ بوت۔ وزیر خزانہ ءَ رواں کیلنڈر سال ءِ تہ ءَ اولی رند ءَ پانڈا بانڈز ءِ جاری کنگ ءِ حکومت ءِ واھشت ءِ درشان کت ءُ بینک ءِ گوما استیں رفتار ءَ ھوار بوھگ ءِ برجاہ دارگ ءِ عزم ءِ سر ءَ پدا زور دات۔ وزیر ءِ ھزانگ ءَ ایس اینڈ پی گلوبل ٹیم ءَ گوں ھم گند ءُ نند کتگ۔ وزیر خزانہ ءَ اے ماہ ءِ گڈ ءَ ایس اینڈ پی گلوبل ءِ پاکستان ءَ آیگ ءَ را وش اتک کت ءُ ملک ءِ سرجمیں اقتصادی جاور ھال، مالیاتی استحکام ءِ گامگیج ءُ کلیدی اقتصادی حرکیات ءِ بابت ءَ ڈل ءَ را سرپد کت۔ آئی ءَ زور پر دات کہ فچ ریٹنگز ءِ نیمگ ءَ پاکستان ءِ کریڈٹ ریٹنگ ءِ تہ ءَ گہتری حکومت ءِ ڈھانچہ ءِ اصلاحات ءِ ایجنڈا ءِ سر ءَ جھان ءِ بھروسہ ءُ ملکی معیشت ءِ سر ءَ سرمایہ کار آنی تہ ءَ گیش بوھوکیں بھروسہ ءِ گواہ اِنت۔ وزیر ءِ ھزانگ ءَ امیت سہرا کت کہ ایس اینڈ پی گلوبل فچ ریٹنگز ءِ رد ءَ پاکستان ءِ ریٹنگ ءَ را گہتر کنگ ءِ سر ءَ ھم ھیال ءُ لیکہ کنت۔ وزیر خزانہ ءَ ہالینڈ ءِ ملکہ میکسیما ءَ گوں ہم گند ءُ نند کتگ۔ آئی ءَ ملکہ ءَ را پاکستانی زالبول آنی مالی شمولیت ءِ تہ ءَ بوتگیں پیشرفت ءِ بابت ءَ سرپد کت، ایشی ءِ تہ ءَ میاں اوستمانی شریک آنی کمک ءَ راجی مالیاتی شمولیت ءِ حکمت عملی ءِ سر ءَ عمل کنگ ءِ ھاسیں ذکر کت۔ آئی ءَ اے گپ ءِ سر ءَ زور پر دات کہ وانگ ءُ زانگ، مالی شمولیت، کاروباری موہ، ءُ زالبول ءُ جنک آناں بااختیار کنگ حکومت ءِ اولی ترجی آنی تہ ءَ ھوار اَنت۔ وزیر خزانہ ءَ مالیاتی شمولیت ءِ کوشست آناں گیش دیمروئی دیگ ءِ واستہ ادارگ آنی نیام ءَ ڈیجیٹل رسائی ءَ را گیش کنگ ءُ موثر ڈیٹا ایکسچینج ءِ ضلورت ءِ سر ءَ ھم زور پر دات۔ سینیٹر محمد اورنگزیب ءَ ترکی ءِ ھزانگ ءِ وزیر محمت سیمسک ءَ گوں گند ءُ نند کتگ۔ وزیر ءِ ھزانگ ءَ پاکستان ءُ ترکی ءِ نیام ءَ راجدپتری ءُ براتی سیادی آناں پدر کنان ءَ دوئیں ملک آنی نیام ءَ تجارت ءُ سرمایہ کاری ءِ دیمروئی ءِ واستہ مزنیں گنجائش ءِ سر ءَ زور پر دات۔ آئی ءَ اے گپ من اِت کہ بیپار ءُ سرمایہ کاری ءِ استیں تک دوئیں ملک آنی توانائی ءَ چہ کم اِنت۔ آئی ءَ ترک سرمایہ کار ءُ کاروباری مردم آناں پاکستان ءِ ڈیری، پنیر ءُ لائیو اسٹاک ءِ شوبگ آنی تہ ءَ سرمایہ کاری ءِ موہ آنی تہ ءَ پائدگ چست کنگ ءِ دعوت دات۔ وزیر خزانہ ءَ ترکی ءِ حکومت ءِ ہائی ٹیک ءِ شوبگ آنی تہ ءَ جدت ءُ ارزشت ءِ گیشی ءِ دیمروئی ءِ پالیسی ءِ ھم ستا کرتگ۔
