اسلام آباد۔23اپریل (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ حکومت ءَ راجی دیمروئی ءِ سنگ میل ءِ نیمگ ءَ جرات مندیں گامگیج چست کنان ءَ یک جامع ءُ رژنائیں منصوبگ ءِ دیم ءَ آورتگ کہ ایشی ءِ نام ’’اُدان پاکستان ءِ ایکسپورٹڈ دی ایکس ایکونومی‘‘ اِنت۔ اے منصوبگ ءِ رد ءَ 2030ءَ تاں دیمروئی ءِ واستہ یک جامعیں روڈ میپ ءِ تیار کنگ بوتگ، صنعتی شعبہ ءِ احیاء ءُ دیمروئی ءِ واستہ جامع اصلاحات ءِ جار جنگ بوتگ۔ ’’اُدان پاکستان‘‘ ءِ چیر دستی ءَ پاکستان سرمایہ کار آنی واستہ دلکشیں منزل جوڑ بوھگ ءَ اِنت۔ برآمدات ءِ تہ ءَ مزنیں گیشی یے نجی سرمایہ کاری ءَ گوں ممکن اِنت۔ اے ھیالانی درشانی آئی ءَ چار شمبے ءِ روچ ءَ پاکستان ءُ بحرین ءِ سرمایہ کاری سروک دیوان ءَ گشتانک دیان ءَ کت۔ آئی ءَ گوشت کہ حکومت ءَ اودان پاکستان ءِ چیر دستی ءَ 2030 ءَ تاں دیمروئی ءِ واستہ سرجمیں روڈ میپ جوڑ کتگ۔ اے منصوبگ ءِ چیر دستی ءَ برآمدات ءَ را مزنیں کساس ءَ گیش کنگ ءِ واستہ یک ھمگرنچیں حکمت عملی ءِ سر ءَ کار کنگ بوھگ ءَ اِنت۔ 2030 ءَ تاں برآمدات ءَ را 100ارب ڈالر ءَ سر کنگ ءِ ٹارگٹ انت۔اودان پاکستان ءِ وژن برآمدات ءِ سر ءَ بنیات ءِ سر ءَ معیشت ءِ جوڑ کنگ انت۔ پروفیسر احسن اقبال ءَ گوشت کہ ایکسپورٹ زون، صنعتی راہداری ءُ رسد ءِ آسراتی آنی دیمروئی حکومت ءِ اولی ترجی انت، حکومت درملکی سرمایہ کار آناں سرجمیں رکھینگ ءُ سازگاریں چاگرد پجاری کنگ ءَ انت، صنعتی شوبگ ءِ زندگ ءُ گیشی ءِ واستہ سرجمیں اصلاحات دیم ءَ آرگ بوتگ انت۔ وفاقی وزیر ءَ گوشت کہ اودان پاکستان ءِ صنعتی شوبگ ءَ کم ویلیو ایڈڈ پروڈکٹس ءِ دلبڈی دیگ بیت، ایف بی آر، ایس ای سی پی ءُ اے دگہ ادارگ آنی تہ ءَ اصلاحات ءَ چہ کاروباری چاگرد ءَ گہتری کیت، سرمایہ کاری ءُ کاروبار ءِ آسراتی ءِ واستہ 100 ءَ چہ گیش گامگیج سرجم کنگ بوتگ، اے منصوبگ ءِ چیر دستی ءَ پاکستان سرمایہ کار آنی واستہ دلکشیں منزل جوڑ بوھگ ءَ انت۔ وفاقی وزیر ءَ گوشت کہ بینک ءَ پاکستانی مصنوعات ءَ را میاں اوستمانی مارکیٹ ءَ دیمروئی دیگ ءِ واستہ برآمداتی مہم بندات کتگ، ادارگی اصلاحات، مھکمیں پالیشی ءُ کاروباری شریکداری دیمروئی ءِ بُن ھشت اِنت، برآمدات، صنعت ءُ سرمایہ کاری ءِ یکجاھی پاکستان ءَ را اقتصادی وت واجہی ءِ راہ ءَ ایر کنت، 21می کرن ءِ ٹیکنالوجی ءِ ایڈ تئی معیشت اِنت۔ آئی ءَ گوشت کہ کسانیں اقلیت ءِ دیم ءَ دو ارب ءُ نیم آبادی ءِ بے وسی یک ساھت ءِ ھیال ءُ لیکہ انت۔ راجانی زور ءِ راز یک مھکمیں معیشت ءُ یک معیاری وانگ ءُ زانگ ءِ نظام ءِ تہا اِنت۔ معاشی وت واجہی ءِ ھاتر ءَ سنگین ءُ دائمی گامگیج آنی ضلورت اِنت۔ سائنس ءُ ٹیکنالوجی ءِ تہ ءَ دیمروئی دیمروئی ءِ کلید اِنت۔ پروفیسر احسن اقبال ءَ گوشت کہ دیمروئی ءِ یکیں راہ پٹ ءُ پول ءُ زانت ءِ تہ ءَ گیشی اِنت، نجی شعبہ معیشت ءِ پائلٹ اِنت ءُ حکومت ایشی ءِ کمک اِنت، نجی سرمایہ کاری ءِ وسیلگ ءَ برآمدات ءِ تہ ءَ مزنیں گیشی ممکن اِنت، پاکستان ءَ برآمدات ءِ تہ ءَ سالانہ 5 ءَ چہ 10 ارب ڈالر ءِ جمپ ءِ ضلورت اِنت، دیمروئی ءِ کلید برآمدات ءِ تہ ءَ گیشی اِنت۔ آئی ءَ گوشت کہ زرباری کوریا، چین ءُ تھائی لینڈ ءَ برآمدات آنی تہ ءَ گیشی ءَ چہ دیمروئی کتگ، پاکستان ءِ برآمدات ایوک ءَ 32 ارب ڈالر ءَ تاں تاں محدود اِنت، ترندیں گہتری ناگزیر اِنت، دیمروئی ءِ راہ ءَ رکاوٹ وسیلگ ءُ زانت ءِ کمی نہ اِنت، بلکیں سیاسی بے رھبندی ءُ سیاسی تسلسل ءِ کمی اِنت، مئے ھیال ءُ لیکہ ءَ چہ پائدگ چست کتگ ءُ دیم ءَ شتگ اَنت اگاں 1991 ءَ نواز شریف ءِ سرکار برجاہ بوتیں گڑا مرچی ما بازیں ملکاں چہ پیسر بوتگ اِتیں۔ احسن اقبال ءَ گوشت کہ پرائس واٹر ہاؤس کوپر ءَ 2017 ءَ پیش گوئی کتگ ات کہ پاکستان 2030 ءَ تاں 20 مزنیں معیشت آنی تہ ءَ ھوار بوت کنت بلے 2018 ءَ حکومت ءِ بدلی ءَ دیمروئی ءِ برجاہ دارگ ءِ راہ بند کتگ ات ءُ 2022 ءَ تاں ملک اندری ڈیفالٹ ءِ کش ءَ سر بوتگ ات۔ استیں سرکار ءَ وھد ءِ گامگیجاں گوں پاکستان ءَ دیوالیہ بوھگ ءَ چہ رکینتگ۔ آئی ءَ گوشت کہ راجدپتر ءِ تہ ءَ اولی رند ءَ 22درسد پالیسی ءِ شرح 12درسد ءَ چہ کم کنگ بوتگ، پاکستان یک رندے پدا دیمروئی ءِ بالی گراب ءَ بال کنگ ءِ واستہ تیار اِنت۔ آئی ءَ جست کت کہ ما اے بالی گراب ءَ برجاہ دارگ ءِ وس ءَ کنیں یا ما پد ءَ رویں؟ مارا آشوب ءِ لالچ ءَ یلہ دیگی اِنت ءُ پائیداریں دیمروئی ءِ راہ ءَ روگی اِنت۔ ڈالر ءِ کمائی ءِ معیشت ءِ نیمگ ءَ رھادگ بوھگ ناگزیر اِنت۔ برآمدات ءِ تہ ءَ گیشی ءِ بغیر دیمروئی ممکن نہ اِنت۔ درملکی براہ راست سرمایہ کاری آرگ ءِ سک باز لوٹ اِنت۔
