واشنگٹن۔23اپریل (اے پی پی): وفاقی وزیر خزانہ ءُ آمدنی سٹرن محمد اورنگزیب ءَ گوشت کہ پاکستان آبادی ءِ تہ ءَ گیشی ءُ موسمی بدلی ءِ مزنیں چیلنج آنی گیواری ءِ واستہ ملکی سرمایہ کاری ءِ دیمروئی ءِ واستہ گامگیج چست کنت کہ ایشی ءِ واستہ نجی شوبگ ءِ کمک ءِ ضلورت اِنت۔ آئی ءَ اے گپ گوستگیں روچ ءَ امریکہ ءَ پاکستانی سفارتخانہ ءَ میاں اوستمانی مالیاتی ادارگ ءُ امریکی …
محمد اورنگزیب ءِ گشگ انت کہ آبادی ءِ گیشی ءُ موسمیاتی بدلی مزنیں چیلنج انت کہ آہانی گیش ءُ گیوار ءِ ھاترا نجی شعبہ ءِ کمک ءِ ضلورت انت
گیشتریں ھال
واشنگٹن۔23اپریل (اے پی پی): وفاقی وزیر خزانہ ءُ آمدنی سٹرن محمد اورنگزیب ءَ گوشت کہ پاکستان آبادی ءِ تہ ءَ گیشی ءُ موسمی بدلی ءِ مزنیں چیلنج آنی گیواری ءِ واستہ ملکی سرمایہ کاری ءِ دیمروئی ءِ واستہ گامگیج چست کنت کہ ایشی ءِ واستہ نجی شوبگ ءِ کمک ءِ ضلورت اِنت۔ آئی ءَ اے گپ گوستگیں روچ ءَ امریکہ ءَ پاکستانی سفارتخانہ ءَ میاں اوستمانی مالیاتی ادارگ ءُ امریکی کارپوریٹ رہشون آنی گوما ھاسیں گند ءُ نند ءِ ساھت ءَ کت۔ وزیر ءِ ھزانگ ءَ ملک ءِ سرجمیں معیشت ءِ برجائی ءُ حکومت ءِ نیمگ ءَ جتاجتائیں شوبگ آنی تہ ءَ کنگ بوھوکیں اصلاحات آنی بابت ءَ سرپد کت۔ آئی ءَ ملک ءَ درملکی سرمایہ کار آنی واستہ استیں موہ ءُ سرمایہ کار آناں آسراتی پجاری ءِ واستہ حکومت ءِ نیمگ ءَ چست کتگیں گامگیج آنی بابت ءَ سرپد کت۔ وزیر خزانہ ءَ گوشت کہ جندی شوبگ معیشت ءِ انجن انت، ملک ءِ اقتصادی دیمروئی ءَ را دیم ءَ برگ ءَ جندی شوبگ ءِ کرد المی انت، ایشی ءِ تہ ءَ جندی شوبگ ءَ را سرگرمیں کرد پیلو کنگ لوٹ ایت۔ وزیر ھزانگ ءَ گوشت کہ آبادی ءِ تہ ءَ گیشی ءُ موسمی مٹ ءُ بدلی پاکستان ءِ واستہ وجودی ھوپ اَنت، ایشی ءِ واستہ مزنیں چیلنج آناں گیواری ءِ واستہ جندی شوبگ ءِ کمک ءِ ضلورت اِنت۔ اے موہ ءِ سر ءَ امریکا پاکستان ءِ مسافر رضوان سعد شاخی ءَ گوشت کہ پاکستان 250ملین ءِ مزنیں بازار ءِ بوھگ ءَ ابید میاں اوستمانی ایشیا، چین، میاں اوستمانی ءُ افریقہ ءِ ملک آناں گیٹ وے ءِ کرد ءَ پیلو کت کنت۔ آئی ءَ امریکی سرمایہ کاراں ملک ءِ انفارمیشن ٹیکنالوجی، کان کنی ءُ زراعت ءِ شعبہ آنی تہ ءَ سرمایہ کاری ءِ دعوت دات۔ اے موہ ءِ سر ءَ جاز ءِ سی ای او عامر ابراہیم ءَ حکومت ءِ اقتصادی پالیسی ءُ معیشت ءِ توانائی آنی سر ءَ سرجمیں دل یکیمی ءِ درشان کت۔ گند ءُ نند ءِ ساھت ءَ نامداریں امریکی کمپنی فلپ مورس ءَ ملک ءَ گیش سرمایہ کاری ءِ ارادہ ءِ نشاندہی کتگ۔ ورلڈ بینک ءِ زرباری افریقہ ءِ دمگی نائب صدر مارٹن ریزر ءَ اقتصادی برجائی ءِ ھاتر ءَ حکومت ءِ کوشست آنی توسیپ کت ءُ اے رد ءَ پاکستان ءِ سر ءَ سرجمیں دل یکیمی ءِ درشان کت۔ آئی ءَ گوشت کہ پاکستان ءِ واستہ چل ارب ءِ دہ سالی پروگرام ملک ءِ واستہ ورلڈ بینک ءِ یکزم ءِ آدینک انت۔ آئی ایم ایف ءِ قائم مقام ڈائریکٹر بہادر بجمانی ءَ حکومت ءِ اقتصادی پالیشی ءُ اصلاحات ءِ عمل ءِ توسیپ کت۔
