انقرہ۔22اپریل (اے پی پی): مزن وزیر محمد شہباز شریف ترکیہ ءِ صدر رجب طیب اردوان ءِ دعوت ءِ پد ءَ ترکیہ ءِ دو روچی تر ءُ تاب ءِ واستہ انقرہ ءَ شتگ۔ آئی ءَ را انقرہ ءِ بالی پٹ ءَ ترکیہ ءِ وزیر دفاع یشار گیو لر ، ڈپٹی گورنر انقرہ ظفر اورہان، پاکستان ءُ ترکیہ ءِ دود ءُ ربیدگی انجمن ءِ صدر برہان قایاترک ، پاکستان ءَ پاکستان ءِ ترکیہ ءِ سفیر یوسف جنید ، حکومت ءِ ترکیہہ ءِ ٹوھیں کارندہ ءُ انقرہ ءَ پوسٹیگن پاکستانی سفارتکار آناں وش آتک کنگ بوت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر شہباز شریف ترکیہ ءِ صدر رجب طیب اردوان ءَ گوں گند ءُ نند کنت۔ دوئیں رہشون دو نیمگی سیادی ءَ را گیش پراھ کنگ ءِ ھاتر ءَ ھاسیں دمگی ءُ جھان ءِ جیڈھ آنی سر ءَ ھیال ءُ لیکہ ءِ درشان کن اَنت۔ دوئیں رہشون یکجائی پریس کانفرنس ءَ ھم گشتانک دینت۔ مزن وزیر وتی تر ءُ تاب ءِ ساھت ءَ ترکیہ ءِ سرمایہ کار ءُ کاروباری ڈلاں گوں ھم گند ءُ نند کنت۔ مزن وزیر ءِ ھمراہی ءَ نائب مزن وزیر ءُ درئی کارانی وزیر محمد اسحاق ڈار، اھوالکاری ءُ نشریات ءِ وزیر عطا اللہ تارڑ ءُ ھاسیں کمکار طارق فاطمی ھم ھوار اَنت۔
