بنجائی وزیر داخلہ نا تونسہ ٹی شہید مروک آ 2پولیس کارندہ غاتے خراج عقیدت

اسلام آباد۔ 22اپریل (اے پی پی) بنجائی وزیر داخلہ محسن نقوی تونسہ نا علاقہ دائرہ دین پناہ ٹی داڑیل آتا سم کاری آن شہید 2 پولیس کارندہ غاتے خراج عقیدت پیش کرینے۔ سے شنبے نادے آ تینا ہڑزخواہی بیان اٹی وزیرداخلہ محسن نقوی شہید اے ایس آئی غلا م شبیر و شہید کانسٹیبل غلام فرید نا خاہوت آتون ہمدردی و ہڑزخواہی نا درشانی ءِ کرے۔ اوپارے کہ شہید کارندہ غاتا خاہوت آتا ڈکھیائی ٹی بریبرنا شریک اُن، اے ایس آئی غلام شبیر و کانسٹیبل غلام فرید شہیدی نا درجہ ءِ کٹا۔ اوپارے کہ پنجاب پولیس نا شہید کارندہ غاتے سلام پیش کینہ۔ پنجاب پولیس نا بہادر گلزادہ غاک مدام جون تے دلدست آ تخسا فرض ءِ پورو کرینو۔