واشنگٹن۔ 22 اپریل (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ پاکستان برآمد آتیا تالان پائیدار نمو و اہم بشخ آتیٹی ملک اٹی درملکی زرکاری ٹی ودکی کن جوان گام گیج کننگ ءِ، سرکاری ادارہ غاتا گچینی کن پنجرجاتی اصلاحات نا عمل سرسہبی اٹ مون آ ہِننگ ءِ، زرگزران سہی کنڈآہِننگ ءِ، و اہم زرگزرانی ٹک آتیان زرگزران نا گچینی نا عکاسی مننگ ءِ۔ اوداہیت ءِ تدوک آ دے جہانی بینک و جہانی مالیاتی فنڈ انا تیرمہ نا سالانہ دیوان نا وخت آ چندی اوڑدہی تیٹی پارے۔ برطانوی فرم ڈیلوئٹ نا ڈل اتون اوڑدہی ٹی وزیرخزانہ ڈل ءِ پاکستان نا زرگزرانی حالیت و بشخ جاتی شونداری کن حکومت نا ایجنڈا و برآمد آتیا تالان شونداری اولیت آتیان معلومدار کرے۔ فریق آک توانائی نا بشخ اٹی اصلاحات، اہم معدنیات آتا پٹنگ و مارکیٹنگ ، نجکاری، ٹیکنالوجی، کرپٹوپالیسی، و کنٹری پارٹنر شپ فریم ورک آ عملدرآمد نا گمان تیا گپ وتران کریر۔ وزیرخزانہ مئی 2025 اٹی ڈیلوئٹ نا پاکستان نا سلاہ ئی دورہ ءِ ہم بخیراٹ پارے۔ وزیرخزانہ انٹرنیشنل فنانس کارپوریشن نا ریجنل وائس پریذیڈنٹ ہیلا شیخورووتون اوڑدہی کرے ونجی بشخ انا اصلاحات ، توانائی نا گدریفنگ ، بلدیاتی مالیاتی نظام نا گچینی و پورو روزگار نا گا م گیج آتیا گپ وتران کرے۔ اوادائیگی تا متنوع حق(ڈی پی آر) آ پیش رفت نا جاچ ءِ ہلک و بلوچستان اٹی ریکوڈک کاپر اینڈ گولڈ مائن ڈٹ اکن جہانی مالیتی کارپوریشن نا کمک اٹ 2.5 ارب ڈالر نا وام فنانسنگ نا اہم کڑد انا ستاءِ کرے۔ وزیرخزانہ زور شاغا کہ ہندی کمیونٹی ڈٹ انا زرگزرانی فائدہ غاتیان بایدے فائدہ ہرفے۔ وزیرخزانہ آئی ایم ایف نا منیجنگ ڈائریکٹر کرسٹالیناجارجیواتون ہم اوڑدہی کرے۔ وزیرخزانہ سٹاف لیول معاہدہ طے مننگ و ریزیلیئنس اینڈ سسٹین ایبلٹی فیسلٹی (آرایس ایف) نا رداٹ پوسکن آ آسراتی نا بناء آ آئی ایم ایف ٹیم انا منت واری ءِ ہرفے۔ اوپاکستان اٹ اصلاحاتی چرجوئی ءِ برقرارتخنگ نا حکومتی عزم انا درشانی ء کرے و کرسٹالینا جارجیوا ءِ وزیراعظم پاکستان نا کنڈآن دورہ ءِ پاکستان نا سلہ ءِ ہم خلک۔
