اسلام آباد۔22اپریل (اے پی پی): بنجاھی وزیر موسمی مٹ ءُ بدلی ءُ چاگردی رابطہ کاری ڈاکٹر مصدق ملک ءَ گوشت کہ پاکستان موسمی مٹ ءُ بدل ءِ اثر ءِ چیر ءَ انت ایشی ءِ واستہ ترندیں گامگیج المی انت۔ زمین ءِ جھان ءِ روچ ءِ درگت ءَ وتی کلوہ ءِ تہ ءَ آئی ءَ گوشت کہ زمین ءِ رکھینگ ءُ چاگردی برجائی ءِ واستہ یکجائی گامگیج المی اِنت۔ آئی ءَ گوشت کہ موسمیاتی جیڈھ ءِ گیواری مئے دست ءَ اِنت، ءُ ساپیں توان ءِ نیمگ ءَ رھادگ بوھگ حکومت ءِ اولی ترجی اِنت۔ آئی ءَ گوشت کہ بنجاھی حکومت روشن پاکستان، سبز محرک، ءُ الیکٹرک گاڑی آنی سر ءَ دلگوشی دیگ ءَ اِنت۔ بنجاھی وزیر ءَ ملک ءِ موثر ءُ فعال کرد ءِ ذکر کنان ءَ گوشت کہ پاکستان ھمک شہری ءِ واستہ جوانیں، ایمن ءُ پائیداریں باندا ءِ جوڑ کنگ ءِ واستہ جزمیگ انت۔ آئی ءَ زمین ءِ روچ ءَ عملی کارروائیانی اپیل کتگ ءُ گشتگ کہ درچک ءُ دار ءِ کشگ المی انت، آپ ءِ رکّینگ المی انت ءُ پلاسٹک ءِ کم کنگ المی انت۔ آپ، توانائی، وردن، جان سلامتی، ءُ وانگ ءُ زانگ ءِ پڑ ءَ چاگردی تابکاری ءِ سر ءَ زور پر دیان ءَ آئی ءَ گوشت کہ زمین ءَ را یکوئی، سرپدی ءُ نوآبادیاتی ءِ وسیلگ ءَ وش کنگ بوت کنت۔
