اسلام آباد۔22اپریل (اے پی پی): بنجاھی وزیر ءِ کانود ءُ انصاف ءِ سینیٹر اعظم نظیر تارڑ ءَ گوں پاکستان ءَ ترکی ءِ سفیر عرفان نظیر اوغلو ءَ گند ءُ نند کت۔ وزارت ءِ کانود ءُ انصاف ءِ جارکش ءِ رد ءَ گند ءُ نند ءِ تہ ءَ پاکستان ءُ ترکی ءِ نیام ءَ براتیں سیادی آنی سر ءَ گپ ءُ تران کنگ بوت۔ دوئیں ملک آنی نیام ءَ کمک ءَ را گیش دیمروئی دیگ ءِ جزم ءِ درشان کنگ بوت۔ اے موہ ءِ سر ءَ پاکستان ءِ مزن وزیر ءِ ترکی ءِ تر ءُ تاب ءِ بابت ءَ گپ ءُ تران بوت۔ دوئیں نیمگ ءَ کانود ءِ شوبگ ءَ کمک، تربیتی پروگرام ءُ وت مہ وتی سیادی آنی اے دگہ پڑ آنی سر ءَ ھم گپ ءُ تران کنگ بوت۔ بنجاھی کانود ءِ وزیر اعظم نظیر تارڑ ءَ سفیر ءَ را ھمگرنچیں تربیتی کاروائی آنی تہ ءَ بھر زوری ءِ دعوت ھم دات۔
