اسلام آباد۔22اپریل (اے پی پی): بنجاھی تہی کارانی وزیر محسن نقوی ءَ گوشت کہ جناح اسکوائر انڈر پاس 35 روچ ءَ سرجم کنگ بیت، ایشی ءَ چہ اسلام آباد بالی پٹ ءَ چہ مری ءَ سگنل فری راہداری ءِ آسراتی رس ایت۔ اے ھیالانی درشانی آئی ءَ سئے شمبے ءِ روچ ءَ جناح اسکوائر مری روڈ انڈر پاس منصوبگ ءِ تر ءُ تاب ءِ ساھت ءَ کت۔ وزیر داخلہ ءَ منصوبگ ءِ سر ءَ جاری جوڑیشت ءِ کار آنی سر ءَ چار ءُ تپاسی کت ءُ انڈر پاس ءِ ریکارڈ 35روچ آنی تہ ءَ سرجم کنگ ءُ ہر قیمت ءَ سپیڈ ءِ ھوار انفراسٹرکچر ءِ برجائی ءِ ہدایت کت۔ آئی ءَ شہری آنی نقل و حرکت ءِ واستہ متبادل راہ آنی سر ءَ ٹریفک ءِ روانی ءَ را برجم دارگ ءِ ھم ہدایت کتگ۔ آئی ءَ گوشت کہ اسلام آباد بالی پٹ ءَ چہ مری ءَ سگنل فری راہداری ءَ چہ شہری آناں ٹرانسپورٹ ءَ را سک باز آسراتی رسیت۔ ایشی ءَ چہ اسلام آباد ءِ ٹریفک جام ءِ سد سالی جیڈھ گیش ءُ گیوار بیت ءُ مردم آناں مری ءَ سر بوھگ آسان بیت۔ ایشی ءَ ابید اے منصوبگ ءَ چہ کشمیری چوک ءِ نزیک ءَ ٹریفک ءِ رش ءَ را ھم کم کنگ ءَ کمک رسیت۔ محسن نقوی ءَ گوشت کہ اے منصوبگ ءَ چہ شہر ءِ تہ ءَ سرجمیں ٹریفک ءِ نظام ءَ را گہتر کنگ ءَ کمک رسیت، ھمے رنگ ءَ وھد ءُ ایندھن ءِ ھم بچت بیت۔ سی ڈی اے ءِ چیئرمین محمد علی رندھوا ءَ وزیر داخلہ ءَ را بریفنگ کنان ءَ گوشت کہ منصوبگ ءِ ڈھانچہ ءُ روڈ نیٹ ورک ءِ سر ءَ کار ترندیں رفتار ءَ گوں دیم ءَ روگ ءَ انت۔ ان شا اللہ پروجیکٹ ایر کتگیں وھد ءُ پاس ءِ تہ ءَ سرجم کنگ بیت ۔ آئی ءَ گوشت کہ منصوبگ ءِ تہ ءَ 479میٹر ءِ دراجیں انڈر پاس ھوار اِنت، ایشی ءِ تہ ءَ 3 ٹریفک لین ءِ جاہ ءِ واستہ جوڑ کنگ بوتگ۔ آئی ءَ گوشت کہ نزیکیں پُل ءِ پُر کنگ ھم منصوبگ ءِ بھر اِنت، دوئیں نیمگ ءَ 2 لین ءِ گیش کنگ ءُ منصوبگ ءِ کش ءُ گور ءَ چار سلپ روڈ آنی گیش کنگ۔
