برآمدات ءِ سروکی ءَ دیمروئی ءَ را دیم ءَ برگ ءُ کلیدی شوبگ آنی تہ ءَ درملکی سرمایہ کاری ءَ را گیش کنگ ءِ واستہ جامع گامگیج کنگ بوھگ ءَ انت،  واشنگٹن ءَ ھاسیں گند ءُ نند ءِ ساھت ءَ وزیر ھزانگ محمد اورنگزیب ءَ گوشت کہ حکومت اصلاحات ءِ عمل ءَ را دیم ءَ برگ ءِ واستہ جزمیگ اِنت

واشنگٹن۔22اپریل  (اے پی پی): بنجاھی وزیر ءِ ھزانگ ءُ آمدنی ءَ گوشت کہ پاکستان برآمدات ءِ سروکی ءَ دیمروئی ءِ ھاترا سرجمیں گامگیج زورگ ءَ انت ءُ ملک ءِ کلیدی شوبگ آنی تہ ءَ درملکی سرمایہ کاری ءَ را گیش کنگ ءَ انت۔ سرکاری ادارگ آنی گہتری ءِ واستہ ڈھانچہ ءِ اصلاحات ءِ عمل جوانیں رنگ ءَ دیم ءَ روگ ءَ انت۔ معیشت راستیں راہ ءَ روگ ءَ اِنت ءُ میکرو اکنامک اشارہ معیشت ءِ تہ ءَ گہتری ءِ درشان کنگ ءَ اَنت۔ آئی ءَ اے گپ گوستگیں روچ ءَ ورلڈ بینک ءُ انٹرنیشنل مانیٹری فنڈ ءِ سالانہ بہار ءِ دیوان آنی موہ ءَ جتاجتائیں دیوان آنی ساھت ءَ کت۔ برطانیہ ءِ فرم ڈیلوئٹ ءِ ڈل ءَ گوں گند ءُ نند ءَ وزیر ءِ ھزانگ ءَ ڈل ءَ را پاکستان ءِ اقتصادی جاور ءُ حکومت ءِ ایجنڈا ءِ بابت ءَ شعبہ جاتی دیمروئی ءُ برآمدات ءِ سرا مبنی دیمروئی ءِ اولویت آنی بابت ءَ سرپد کت۔ فرینوف ءَ توانائی ءِ شوبگ ءِ اصلاحات، کلیدی معدنیات ءِ شوھاز ءُ مارکیٹنگ، نجکاری، ٹیکنالوجی، کریپٹو پالیسی، ءُ ملکی شریکداری فریم ورک ءِ سر ءَ عمل کنگ ءِ آسراتی آنی سر ءَ تران کت۔ وزیر خزانہ ءَ ڈیلوئٹ ءِ مئی 2025ءَ پاکستان ءِ مجوزہ تر ءُ تاب ءِ بندات کنگ ءِ ہم لوٹ کتگ۔وزیر خزانہ ءَ انٹرنیشنل فنانس کارپوریشن ءِ علاقائی نائب صدر ہالا شکورو ءَ گوں گند ءُ نند کتگ ءُ نجی شعبہ ءِ اصلاحات، توانائی ءِ ٹرانزیشن، بنجاہی حکومت ءِ روزگار ءِ ملکیت ءِ نظام ءَ را گہتر کنگ ءُ سرجمیں حکومت ءِ روزگار ءِ نظام ءَ را گہتر کنگ ءِ بابت ءَ ھیال ءُ لیکہ ءِ تبادلہ کتگ۔ آئی ءَ ڈائیورس فائیڈ پیمنٹ رائٹس (ڈی پی آر) ءِ سر ءَ پیشرفت ءِ سر ءَ چار ءُ تپاسی کت ءُ بلوچستان ٹکسال ریکو دیک تانبہ ءُ زرّ ءِ کان منصوبگ ءِ واستہ میاں اوستمانی مالیاتی فنڈ ءِ وسیلگ ءَ 2.5ارب ڈالر ءِ وام ءِ مالی کمک ءِ ھاسیں کرد ءَ را ساڑات۔ وزیر خزانہ ءَ اے گپ ءِ سر ءَ زور پر دات کہ بنجاہی چاگرد ءَ را منصوبگ ءِ اقتصادی آسراتی ءَ چہ سیت چست کنگ بہ بیت۔ وزیر خزانہ ءَ آئی ایم ایف ءِ منیجنگ ڈائریکٹر کرسٹالنا ءَ گوں گند ءُ نند کت۔ گرجستان ءَ گوں ھم گند ءُ نند کتگ۔ وزیر خزانہ ءَ آئی ایم ایف ءِ منت گپت کہ آئی ءَ کارندہ آنی تک ءَ یک معاہدے ءِ سر ءَ سر بوتگ ءُ ریزیلینس اینڈ سسٹینبلٹی فیسیلیٹی (آر ایس ایف) ءِ چیر دستی ءَ نوکیں آسراتی ءِ بندات کتگ۔ آئی ءَ پاکستان ءَ اصلاحات ءِ تسلسل ءَ را برجائی ءِ واستہ حکومت ءِ جزم ءِ یک رندے پدا گوشت ءُ پاکستان ءِ مزن وزیر ءِ نیمگ ءَ کرسٹالنا جرجولا ءَ را پاکستان ءِ تر ءُ تاب ءِ دعوت ھم دات۔ وزیر ءِ ھزانگ ءَ امریکی محکمہ خزانہ ءِ اسسٹنٹ سیکرٹری رابرٹ کپرجوت ءَ گوں ھم گند ءُ نند کتگ ءُ پاکستان ءِ اقتصادی اشارہ آنی تہ ءَ گہتری ءِ بابت ءَ سرپد کتگ۔ آئی ءَ ٹیکس ءِ نظام، توانائی، نجکاری، سرکاری ادارگ، پنشن، ءُ قرضہ ءِ انتظام ءِ ھوالگ ءَ جاری اصلاحات ءِ سر ءَ زور پر دات۔ وزیر خزانہ ءَ ورلڈ بینک ءِ کرد ءَ را پاکستان ءَ را آبادی ءِ تہ ءَ گیشی ءُ موسمی بدلی ءِ چیلنج آنی گوما گر ءُ چیل بوھگ ءِ واستہ کمک کنگ ءَ را المی لیک اتگ۔ ورلڈ بینک ءِ صدر اجے بنگہ ءَ گوں گند ءُ نند ءِ ساھت ءَ وزیر ءِ ھزانگ ءَ ورلڈ بینک ءِ نیمگ ءَ پاکستان ءَ را مالی کمک ءِ سر ءَ منت واری ءِ درشانی کت ءُ ملکی شراکت داری ءِ چیر دستی ءَ یک دہائی ءِ سر ءَ ھواریں یک سرجمیں حکمت عملی ءِ جوڑ کنگ ءِ واستہ ادارگ ءِ عزم ءِ ساڑات کت۔ وزیر خزانہ ءَ ملکی شریکداری ءِ چارچوب ءِ سر ءَ عمل کنگ ءِ واستہ یک جامع حکمت عملی ءُ ایکشن پلان ءِ جوڑ کنگ ءِ تہ ءَ ورلڈ بینک ءِ برجاھیں کمک ءِ توسیپ کت ءُ اقتصادی استحکام ءِ واستہ حکومت ءِ عزم ءِ سر ءَ پدا زور پر دات۔ وزیر ءِ ھزانگ ءَ امریکی چیمبر آف کامرس ءَ امریکہ ءُ پاکستان بزنس کونسل ءِ نیمگ ءَ برجم داشتگیں نان ءِ ورگ ءِ تہ ءَ امریکی کاروباری رہشون آنی گوما ھم گند ءُ نند کت۔ آئی ءَ ٹیکس اصلاحات، توانائی، سرکاری شعبہ ءِ کاروباری ادارگ ءُ نجکاری ءِ تہ ءَ پیشرفت ءِ سر ءَ چمشانک دات ءُ دمگی تجارت، مارکیٹ ءِ تنوع ءُ شعبہ ءِ تہ ءَ گیشی ءِ سر ءَ زور پر دات۔ آئی ءَ پاکستان معدنی سرمایہ کاری فورم 2025 ءَ بھر زوری ءِ واستہ امریکی ڈل ءِ منت گپت ءُ کان کنی ءِ شوبگ ءَ برجاہ کمک ءِ واستہ جزم ءِ درشان کت۔ وزیر خزانہ ءَ کلائمیٹ ٹو ولنریبل فورم ءَ ہوار بوتگ ءُ وی ءَ جی ٹوئنٹی ءِ سیکرٹری جنرل محمد نشدان ءَ گوں گند ءُ نند کتگ۔ وزیر خزانہ ءَ سی وی ایف سیکرٹریٹ ءِ گوستگیں پاکستان ءِ تر ءُ تاب ءُ موسمیاتی پرو اسپارکیا پلان ءِ جوڑیشت ءِ تہ ءَ یکجائی کوشست آناں ساڑات کت کہ ایشی ءِ تہ ءَ موسمیاتی بدلی ءِ رد ءَ ردیں منصوبگ آنی واستہ فنڈنگ ​​ءِ ممکنہ وسیلگ آنی نشاندہی کنگ بوتگ۔ آئی ءَ سی پی ایف ءِ شش باب آنی تہ ءَ چہ چار کلیدی درور آناں پاکستان ءِ موسمی ءُ آبادی ءِ جیڈھ آناں گیواری ءِ واستہ بنیاتی لیک اتگ۔ وزیر خزانہ ءَ آر ایس ایف ءِ چیر دستی ءَ زور ءِ ھم لوٹ کتگ ءُ سی پی پی ءِ منصوبگ آناں مرحلہ وار مالی کمک ءِ وسیلگ ءَ سرجم کنگ ءِ عزم ءِ پدا زور داتگ۔