چینی کمپنی گلیکسی  اسپیس ءِ ڈل ءَ مزن وزیر شہباز شریف ءَ گوں گند ءُ نند کتگ ءُ سپیس ٹیکنالوجی، سپیس سیٹلائٹ ءُ ٹیلی کمیونیکیشن ءُ سپیس انٹرنیٹ ءِ شوبگ ءَ کمک ءَ را گیش کنگ ءِ واھشت ءِ درشان

اسلام آباد۔22اپریل  (اے پی پی): مزن وزیر محمد شہباز شریف ءَ خلائی ٹیکنالوجی، خلائی سیٹلائٹ ءُ سیٹلائٹ کمیونیکیشن، ءُ سیٹلائٹ انٹرنیٹ ءِ پڑ ءَ کمک ءَ را گیش کنگ ءِ واھشت ءِ درشان کنان ءَ گوشت کہ پاکستان خلائی ٹیکنالوجی ءِ شوبگ ءَ را سک باز ارزشت دیگ ءَ اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی چین ءَ بنجل بوتگیں سپسا ٹیکنالوجی کمپنی ’’گلیسیرا سپسا‘‘ ءِ ڈل ءَ گوں گپ ءُ تران کنان ءَ کت کہ آئی ءَ سئے شمبے ءِ روچ ءَ وتی چیئرمین مانا زو منگ ءِ سروکی ءَ ادا آئی ءَ گوں گند ءُ نند کتگ۔ گند ءُ نند ءَ بنجاھی وزیر اقتصادی امور احد خان چمگ، بنجاھی وزیر انفارمیشن ٹیکنالوجی ءُ کمیونیکیشن شازہ فاطمہ، وزیر ءِ مشیر ڈاکٹر توقرہ شاہ ءُ سیادی داروکیں سرکاری ادارگ آنی افسر آں بہر زرتگ۔ اے موہ ءِ سر ءَ مزن وزیر ءَ گوشت کہ پاکستان خلائی ٹیکنالوجی ءِ شوبگ ءَ را گیش ءَ چہ گیش ارزشت دیگ ءَ انت۔ چنٹ مئے بھروسہ مندیں سنگت ءُ اسٹریٹجک شریک اِنت۔ مزن وزیر ءَ گوشت کہ آ چین ءِ گوما خلائی ٹیکنالوجی، خلائی سیٹلائٹ ءُ خلائی کمیونیکیشن، ءُ خلائی انٹرنیٹ ءِ شوبگ آنی تہ ءَ کمک ءَ را گیش کنگ ءِ واھشت مند اِنت۔ جی ایس سی ءِ ڈل ءَ پاکستان ءِ انفارمیشن ٹیکنالوجی ءِ صنعت ءَ سرمایہ کاری ءُ پاکستانی انفارمیشن ٹیکنالوجی ءِ ادارگ ءُ نجی ٹیلی کمیونیکیشن کمپنی آنی گوما یکجائی کار آنی تہ ءَ سرمایہ کاری ءِ تہ ءَ سک باز واھشت ءِ درشان کت ءُ گوشت کہ وزارت انفارمیشن ٹیکنالوجی ءُ ٹیلی کمیونیکیشن ءُ سوپارکو ءِ کارندہ آں گوں گند ءُ نند سک باز کارآمد بوتگ۔ ڈل ءَ پاکستان ءِ سرکار ءِ منت گپت کہ آھاں پاکستان ءَ گوں گرمیں مہمانداری کتگ۔