اسلام آباد۔22اپریل (اے پی پی): نیشنل انڈسٹریل ریلیشنز کمیشن ءِ نیمگ ءَ یکم مئی ءَ اسلام آباد ءَ اولی رند ءَ میاں اوستمانی مزدور ءِ روچ ءِ موہ ءَ میاں اوستمانی دیوان ءِ برجم دارگ بیت۔ پاکستان ءَ بوتگ۔ کانفرنس ءِ سروکی ءَ این آئی آر سی ءِ چیئرمین جسٹس (ریٹائرڈ) شوکت عزیز سدین بیت، وھدے کہ سرجمیں ملک ءَ چہ نامداریں قانود ءِ ماہرین، سپریم کورٹ ءِ شرپداریں جج، بنجاھی وزیر، لیبر یونین ءِ رہشون، مزنیں صنعتی کاروباری ادارگ آنی واھند ءُ میاں اوستمانی لیبر آرگنائزیشن ءِ نمائندگ بھر زوری کن اَنت۔ کانفرنس ءِ بنداتی گشتانک ءِ چیئرمین این آئی آر سی جسٹس شوکت عزیز صدیقی ءِ نیمگ ءَ گشتانک دیگ بیت ایشی ءَ پد نامداریں فقیہ بارچسٹر ظفر اللہ خان ”اسلام ءِ تہا کارکن ءُ آجر آنی حق ءُ فرض“ ءِ سر ءَ گشتانک دنت۔ سپریم کورٹ ءِ عزت مندیں جج جناب جسٹس جمال خان مندوخالے ”کارگر آنی ھک آنی رکھینگ ءِ واستہ پاکستانی عدلیہ ءِ کوشست“ ءِ سر ءَ کلیدی گشتانک دنت۔ کانفرنس ءِ ساھت ءَ جتا جتائیں سیشن برجم دارگ بنت کہ ایشی ءِ تہ ءَ لیبر مینجمنٹ ءِ سیادی، صنعتی گپ ءُ تران، ءُ متبادل تنازعہ ءِ گیش ءُ گیوار ءِ وڑیں ھاسیں سرھال آنی سر ءَ سرجمیں رنگ ءَ گپ ءُ تران کنگ بیت۔ اولی تکنیکی دیوان ءِ سروکی ءَ سپریم کورٹ ءِ پیسریگیں جج جسٹس (ریٹائرڈ) خلیل الرحمن رامدے بیت وھدے کہ دیوان ءَ جتا جتائیں صنعتی ادارگ آنی واھند ءُ لیبر یونین آنی سروک ھوار بنت۔ سیشن ءِ سروک سپریم کورٹ بار ایسوسی ایشن ءِ جنرل سیکرٹری سلمان منصور سدین ءَ کنت۔ دومی تکنیکی دیوان ءَ ’’صنعتی سیادی ءِ ایکٹ 2012 ءِ رد ءَ شکایت آنی گیواری‘‘ ءُ ’’آئی ایل او ءِ کنونشنز ءِ رد ءَ پاکستان ءِ کوشست‘‘ ءِ سرھال آنی سر ءَ گپ ءُ تران کنگ بیت۔ دیوان ءِ سروکی ءَ اوورسیز پاکستانی ءُ مین پاور ءِ بنجاھی وزیر چوہدری سالق حسن بیت ءُ ایڈووکیٹ سپریم کورٹ عمران شفقہ ثالثی ءِ بستار ءَ کار کنت۔ گڈی دیوان ”پاکستان ءِ مزدور ءِ کانود آناں میاں اوستمانی معیار آنی گوما ھمگرنچ کنگ ءِ واستہ سرکاری گامگیج“ ءِ سر ءَ بیت کہ ایشی ءِ تہ ءَ بنجاھی وزیر کانود ءُ انصاف، جسٹس اعظم نظیر تارڑ، لاہور ہائی کورٹ ءِ جسٹس جواد حسن ءُ لیبر امور ءِ ماہر افتخار احمد ءِ گشتانک ھوار بنت۔ کانفرنس ءِ گڈسرا درستیں شرپداریں مہماناں اعزازی ڈھال ءُ گلدستہ پیش کنگ بنت ءُ شریکیں مردمانی واستہ دوپہر ءِ ورگ ءِ ہم بندوبست کنگ بیت۔ چیئرمین این آئی آر سی ءَ گوشت کہ اے کانفرنس کارکن آنی ھک آنی دیمروئی ءُ صنعتی ھمگرنچی ءِ برجائی ءِ نیمگ ءَ یک مزنیں گامگیج اِنت۔ آئی ءَ گوشت کہ ’’ما 2025‘‘ ایوک ءَ نعرہ نہ اِنت بلکیں یک ھیالے، کہ ھمگرنچی، گپ ءُ تران ءُ یکوئی ءِ احترام ءِ وسیلگ ءَ بدلی ءَ را وتی سرا زورگ ءِ کلوہ اِنت۔
