اسلام آباد۔ 21 اپریل (اے پی پی) بنجائی وزیر داخلہ محسن نقوی پوپ فرانسس نا کزیت آ ڈکھیائی و است ہسونی نا درشانی ءِ کرے و اونا خاہوت و کیتھولک مسیحی برادری تون ہمدردی و ہڑزخواہی نا درشانی ءِ کرے۔ دوشنبے نادے آ تینا بیان اٹی اوپارے کہ پوپ فرانسس ڈکھیائی انسانیت نا خذمت کن نمان کڑد ادا کرے۔ دنیا ٹی امن کن پوپ فرانسس نا خذمت آتے مدام یات تخنگک۔ اوپارے کہ فلسطین ایشوآ پوپ فرانسس نا اصولی موقف ءِ اقوام عالم اٹی ستاءِ کننگا۔ پوپ فرانسس نا کزیت آن دنیا اسہ مخلص و امن نا داعی شخصیت اسے آن محروم مسنے۔
