اسلام آباد۔ 21اپریل (اے پی پی) وزیراعظم محمد شہباز شریف جولائی 2024آن مارچ 2025ٹیکسٹائل سیکٹر نا برآمد آتیٹی 9.38 درسد ودکی نا ستاءِ کرسا پارینے کہ ٹیکسٹائل سیکٹر نا برآمد آک داوخت آ 13.613 بلین ڈالر نا بڑزکو انگا کہول اٹی ءُ ہراکہ بھاز ستاکڑزک ۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ مارچ 2025اٹی ٹیکسٹائل سیکٹر نا برآمد آتیٹی تدوک آ تُوانا مقابلہ 6.27 درسد ودکی پاکستانی زرگزران نا شونداری و حکومتی پالیسی تا سہی کنڈآہِننگ نا درشانی ءِ۔ برآمدآتیٹی پدریسہ ودکی و ایلو مثبت زرگزرانی ٹک آک حکومت پاکستان و نجی بشخ انا کمک و سخت خواری تا سوب آن ممکن مس۔ شونداری نا سفر اٹی پین ترندی کن حکومتی ٹیم دے ونن خواری کننگ ءِ۔ نن ملکی برآمد آتیٹی آخبت ودکی ءِ ممکن کننگ کن نجی بشخ ءِ کاروبار دوست چاگڑد فراوان کننگ کن کوشست کننگ اُن۔
