اسلام آباد۔ 21 اپریل (اے پی پی) جسٹس سید منصور علی شاہ قائم مقام چیف جسٹس نا عہدہ نا سوغند ہرفینے۔ سپریم کورٹ آف پاکستان نا شعبہ تعلقات عامہ نا جاری اعلامیہ نا رداٹ چیف جسٹس یحییٰ آفریدی نا پیشن نا ملک روانگی نا بناء آ جسٹس سید منصور علی شاہ دوشنبے نادے آ قائم مقام چیف جسٹس نا عہدہ نا سوغند ہرفے، جسٹس منیب اختر اوڑآن سوغند ہلک۔ دارداٹ سپریم کورٹ اسلام آباد اٹی اسہ سادہ  و پروقار دوداس اڈ ہلک۔ چیف جسٹس آف پاکستان جسٹس یحییٰ آفریدی نا پیشن ناملک  ساڑی گری نا مد انا وخت ءُ پاس اٹی جسٹس سید منصور علی شاہ چیف جسٹس نا وڑاٹ کاریم کیک۔ دود اٹی سپریم کورٹ آف پاکستان نا جج آک، اٹارنی جنرل پاکستان، سینئر وکیل آک و کانود و انصاف نا آفیسر آک بشخ ہلکر۔ اعلامیہ نا رداٹ سوغندی دود انا کارروائی ایڈیشنل رجسٹرار(ایڈمن) سپریم کورٹ سید زکریاعلی شاہ چلیفے۔

متعلقہ مضامینمصنف کی طرف سے مزید