اسلام آباد۔ 21 اپریل (اے پی پی) چیئرمین سینیٹ سید یوسف رضاگیلانی پارینے کہ علامہ اقبالؒ نا فکر پوسکن آ چین اکن روشنائی اسے، علامہ اقبال ورناتے عظیم کڑد و بے باک فکر انا سبخ تس، سینیٹ آف پاکستان علامہ اقبالؒ نا فکر آن راہشونی ہلنگ ءِ۔ دوشنبے نادے آ سینیٹ سیکرٹریٹ آن جاری بیان نا رداٹ داخیال آتا درشانی ءِ او علامہ اقبالؒ نا 87می کزیہ دے انا وخت آ تینا کلہواٹی کرے۔ چیئرمین سینیٹ پارے کہ علامہ اقبالؒ نا فکر پوسکن آچین اکن روشنائی اسے۔ علامہ اقبالؒ اسلامی فکر اٹی پوسکن ءُ ساہ اس شاغا۔ علامہ اقبالؒ ورناتے عظیم کڑد و بے باک فکرانا سبخ تس۔ سید یوسف رضاگیلانی پارے کہ اقبالؒ نا شاعری اسہ نظریاتی انقلاب اسے۔ علامہ اقبالؒ نا تصور ءِ پاکستان اینو ہم راہشون ءِ ۔ اقبالؒ نا فکر ءِ قومی پالیسی تیٹی اوار کروئی مریک۔ اوپارے کہ سینیٹ آف پاکستان علامہ اقبالؒ نا فکر آن راہشونی ہلنگ ءِ۔ جمہوریت، کانود نا حکمرانی و السی آسودہی کن سنبرینگوک ءِ۔ چیئرمین سینیٹ پارے کہ اللہ ننے اقبالؒ نا کلہو ءِ پہہ مننگ و تینا کننگ نا توفیق ایتے۔
