اسلام آباد۔ 21 اپریل (اے پی پی) بنجائی وزیر داخلہ محسن نقوی شاعر مشرق علامہ محمد اقبالؒ نا بے مٹ خذمت آتے زبردست لوزآتیٹی خراج عقیدت پیش کرساپارینے کہ عظیم مفکر علامہ اقبالؒ خودی ، سیوت و ایلمی نا جہانی کلہو تس، اونا فلسفہ اینو ہم کسر نا ڈیواءِ، او مسلمان تیکن جتا ءُ ریاست اسے نا تغ ءِ خنتوکہ تو اینو نن آجووطن اٹی ساہ اَلتونہ ۔ علامہ اقبالؒ نا 87 می برسی آ تینا کلہو اٹی وزیرداخلہ پارے کہ مفکر پاکستان نا احسان ءِ قوم تاقیامت اسکان است آن دننگ کپک، اقبال نا فلسفہ نارداٹ ننے ہر چیلنج نا مقابلہ ءِ اواری اٹ کروئی ءِ، اونا فلسفہ غا عمل کننگ نا اخہ در گرج اینو ارے مہالو الوکہ۔ محسن نقوی پارے کہ وخت بسنے کہ نن یکجا مرین و ملکی شونداری کن سنبرینگوک مرسا کاریم کین، اینو ننے بحیثیت قوم علامہ اقبالؒ نا فکر ءِ کسر نا ڈیواجوڑ کننگ نا عزم انا درشانی ءِ کروئی ءِ۔
