اسلام آباد۔21اپریل (اے پی پی): سینیٹ ءِ چیئرمین سید یوسف رضا گیلانی ءَ رومن کیتھولک چرچ ءِ سروک پوپ فرانسس ءِ بیرانی ءِ سر ءَ دلپدردی درشان کتگ۔ دو شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ سید یوسف رضا گیلانی ءَ گوشت کہ پوپ فرانسس یک ھیال ءُ لیکہ ءِ واھندیں، انسان دوست ءُ بین المذاہب گپ ءُ تران ءِ سروک بوتگ آئی ءَ وتی سروکی ءِ ساھت ءَ سرجمیں دگنیا ءَ امن، رواداری ءُ انسانیت ءِ ھزمت ءِ پیغام شنگ ءُ تالان کتگ۔ چیئرمین سینیٹ ءَ گوشت کہ پوپ فرانسس ءَ دگنیا ءَ را نفرت، بہر ءُ بانگ ءُ زوراکی ءِ بدل ءَ مہر، رواداری ءُ براتی ءِ راہ ءَ زورگ ءِ ترغیب داتگ۔ آئی ءِ رہشونی ءِ طرز عاجزی، سادگی ءُ خدمت ءِ سرا بوتگ کہ آئی ءَ دنیا ءِ مردمانی دل ءَ را ٹچ کتگ۔ آئی ءَ گوشت کہ پاکستان ءَ بین المذاہب یکوئی ءِ دیمروئی ءِ واستہ پوپ فرانسس ءِ کوشست آناں ساڑاھگ بیت۔ آئی ءِ بیرانی پہ عیسائی راج ءَ مزنیں تاوانے ۔ چیئرمین سینیٹ ءَ ویٹیکن، عیسائی کمیونٹی ءُ ھاسیں رنگ ءَ پاکستان ءَ عیسائی کمیونٹی ءِ گوما دلپدردی ءِ درشانی کتگ۔
