اسلام آباد۔21اپریل (اے پی پی): راجی اسمبلی ءِ اسپیکر سردار ایاز صادق ءَ پوپ فرانسس ءِ بیرانی ءِ سرا دلپدردی ءِ درشانی کتگ۔ دو شمبے ءِ روچ ءَ وتی دلپدردی ءِ کلوہ ءِ تہ ءَ آئی ءَ گوشت کہ پوپ فرانسس ءِ بیرانی ءِ ھال ءَ چہ من ءَ سک باز دلپدردی بوتگ۔ آئی ءَ ھُدا مرزی پوپ ءِ بین المذاہب ہم آہنگی ءُ پرامن ہمزوری ءِ عزم ءِ سرا خراج تحسین پیش کت ءُ گوشت کہ پوپ فرانسس ءَ انسانیت، رواداری ءُ مہر ءِ پیغام ءَ را شنگ ءُ تالان کتگ۔ پوپ فرانسس ءِ بیرانی نہ ایوک ءَ عیسائی کمیونٹی ءِ ھاترا بلکیں آ مردمانی ھاترا ھم مزنیں تاوانے کہ آ سرجمیں دگنیا ءَ امن ءُ گپ ءُ تران ءَ ارزشت دئینت۔ امن ءُ بین المذاہب گپ ءُ تران ءِ دیمروئی ءِ ھاتر ءَ پوپ فرانسس ءِ ھزمت دیراں یات کنگ بنت۔ پوپ فرانسس ءَ انسانیت ، رواداری ءُ مھر ءِ پیغام شنگ کتگ۔ پاپ ءِ فلسطین ءِ بابت ءَ اصولی موقف اسلامی دنیا ءَ سک باز احترام کنگ بیت۔ راجی اسمبلی ءِ صدر ءَ کیتھولک عیسائی کمیونٹی ءِ گوما دلپدردی ءِ درشانی کت۔
