اسلام آباد۔21اپریل (اے پی پی): مزن وزیر محمد شہباز شریف ءَ جولائی 2024ءَ چہ مارچ 2025ءَ ٹیکسٹائل ءِ شوبگ ءِ برآمدات ءِ تہ ءَ 9.38درسد گیشی ءِ جار جنان ءَ گوشت کہ ٹیکسٹائل ءِ شوبگ ءِ برآمدات اے وھد ءَ 13.613ارب ڈالر ءِ ھر وھد ءِ مستریں کچ ءَ اِنت کہ اے سک باز وش آتک اِنت۔ مزن وزیر کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ گوستگیں ماہ ءِ مقابلہ ءَ مارچ 2025ءَ ٹیکسٹائل سیکٹر ءِ برآمدات ءِ تہ ءَ 6.27درسد گیشی پاکستان ءِ معیشت ءِ نمدی ءُ حکومت ءِ پالیشی آنی راستیں ریشگ انت۔ برآمدات ءُ ایندگر جوانیں اقتصادی اشاریہ آنی تہ ءَ کم کم ءَ گیشی حکومت پاکستان ءُ نجی شعبہ ءِ کمک ءُ بے مٹیں کوشست آنی سبب ءَ ممکن بوتگ۔ حکومت دیمروئی ءِ سفر ءَ را گیش وش کنگ ءِ ھاترا شپ ءُ روچ کار کنگ ءَ اِنت۔ ما نجی شعبہ ءَ را کاروبار دوستیں ماحول ءِ پھجارینگ ءِ ھاترا کوشست کنگ ءَ ایں تانکہ ملکی برآمدات ءِ تہ ءَ برجمیں گیشی ءِ ھاترا توانمند بہ بیت۔
