لاہور۔21اپریل (اے پی پی): منصوبہ بندی ءُ ھاسیں گامگیج آنی وفاقی وزیر پروفیسر احسن اقبال ءَ گشتگ کہ علامہ اقبال ءِ وانینگ مئے واستہ چراگ انت ءُ حکومت اقبال ءِ پھر ءَ وتی وانگ ءُ زانگ ءِ بہر جوڑ کنت۔ اے ھیالانی درشانی آئی ءَ اقبال ءِ مزار ءِ تر ءُ تاب ءِ موہ ءَ میڈیا ءَ گوں تران کنان ءَ کت اَنت۔ وفاقی وزیر ءَ گوشت کہ علامہ اقبال ءَ برصغیر ءِ مسلمان آنی واستہ جتاھیں ریاست ءِ ھاسیں وژن ءُ سرپدی داتگ، ایشی ءِ سر ءَ قائداعظم محمد علی جناح ءَ ایشی ءِ سر ءَ عمل کتگ۔ آئی ءَ گوشت کہ مرچی یک راجے ءِ بستار ءَ مارا چاگردی بہر ءُ بانگ ءُ جھان ءِ چیلنج آنی دیمپانی کنگ ءَ ایں، ایشی ءِ سبب اقبال ءِ وت ءَ چہ وت ءَ ھیال ءُ لبز ءَ چہ دوری اِنت، علامہ اقبال ءِ وانینگ مئے واستہ چراگ ءُ مئے درستیں جیڈھ آنی گیواری اِنت۔ مارا آئی ءِ فلسفہ ءَ وتیگ کنگی اِنت ءُ معاشی وت واجہی، انقلابی بدلی ءُ راجی یکوئی ءَ را دیم ءَ برگی اِنت۔ احسن اقبال ءَ گوشت کہ مئے ورنا راجی مڈی انت۔ علامہ اقبال ءَ ہم مدام ورناہاں راج ءِ اصل دارالحکومت گُشتگ۔ آئی ءِ رد ءَ ورنا ھما زور اَنت کہ راجاں چہ زوال ءَ درکپت کن اَنت۔ وفاقی وزیر ءَ گوشت کہ حکومت اقبال ءِ پھر ءَ را نصاب ءِ بہر جوڑ کنت۔ اقبال ءِ سِنچ ءَ اگاں ورنا رُژناہ بہ بنت گڑا آ انتہا پسندی ءَ چہ دور بوت کن اَنت۔ آئی ءِ واھگ اِنت کہ ورنا اقبال ءِ پیغام ءَ سرپد بہ بنت، نوکیں زانت ءُ زانشت ءَ بہ زور اَنت، ءُ ملک ءِ دیمروئی ءِ تہ ءَ وتی سرجمیں کرد ءَ پیلو بہ کن اَنت۔ آئی ءَ گوشت کہ مرچی پاکستان ءِ پھر ءِ 87می بیرانی سال روچ اِنت ۔ من مرچی سرجمیں راج ءِ نیمگ ءَ پاکستان ءِ مپھر ءَ را بُرّگ ءِ واستہ اتکگ آں ۔ وھدے کہ 2027 ءَ علامہ اقبال ءِ 150 سالی سالروچ بیت گڑا ما اقبال ءِ روچ ءَ میان استمانی تک ءَ برجم داریں ۔ آئی ءَ گیش گوشت کہ اقبال ءِ فلسفہ ءُ آئی ءِ شاعری ءَ ھیال ءَ دارگ ءَ یک آئیڈیل سوسائٹی یے جوڑ کنگ بوت کنت کہ اودا انصاف، محنت ءُ اخلاقیات راجی بہ بیت۔ ایشی ءَ چہ پیسر منصوبگ بندی ءُ ھاسیں گامگیج آنی وزیر پروفیسر احسن اقبال ءَ اقبال ءِ مزار ءِ تر ءُ تاب کتگ ءُ گلدستہ ایر کتگ ءُ فاتحہ پیش کتگ۔
