اسلام آباد۔20اپریل (اے پی پی):وفاقی وزیر داخلہ محسن نقوی ءَ یک شمبے ءِ روچ ءَ سرجمیں ملک ءَ عیسائی کمیونٹی ءَ را دل ءِ جہلانکی ءَ چہ ایسٹر ءِ مبارک بات درشان کت ءُ اے موہ ءَ را اُمیت ، نوک کنگ ءُ شفقت ءِ روح ءِ علامت ءِ رنگ ءَ پدر کت۔ وزیر داخلہ ءَ وتی کلوہ ءِ تہ ءَ عیسائی برات ءُ گہار آناں نیکیں واھشت آنی درشانی کت ءُ گوشت کہ ایسٹر نہ ایوک ءَ وشی ءِ میلہ اِنت بلکیں مھر، امن ءُ براتی ءِ قدر آنی گہتریں یات ءِ ھم اِنت۔ آئی ءَ گوشت کہ ایسٹر نیکی ءِ جوہر ءُ راستیں صفات آنی نیمگ ءَ انسانی جھل ءُ بُرز ءِ درشان اِنت ءُ یکوئی، ھمگرنچی ءُ نیک راھی ءِ یک جھان ءِ پیغام ءِ سر ءَ اِنت۔ آئی ءَ یسوع مسیح ءِ بے وھدیں تعلیمات ءِ سر ءَ زور پر دات کہ آ انسانیت ، مھر ءُ یکے دومی ءِ احترام ءِ سر ءَ زور پر دنت۔ وفاقی وزیر ءَ عیسائی کمیونٹی ءِ بے دروریں راج دوستی ءِ ھم توسیپ کت ءُ پاکستان موومنٹ ءِ تہ ءَ آوانی راجدپتری کرد ءُ ملک ءِ دیمروئی ءُ دیمروئی ءِ تہ ءَ آوانی کارکردگی ءَ را ساڑات۔ آئی ءَ گوشت کہ عیسائی کمیونٹی ءِ وتی مھروانیں وطن ءِ واستہ مھر ءُ وفاداری چہ ھچ جُست ءَ در اِنت۔ وزیر داخلہ ءَ گوشت کہ مارا براتی ءِ ضلورت اِنت ءُ راجی یکوئی ءِ پیغام برجائی ءُ شنگ ءُ تالان کنگ المی اِنت۔ وزیر داخلہ ءِ پیغام ءِ تہ ءَ حکومت ءِ بین المذاہب یکوئی ءَ را گیش کنگ ءُ پاکستان ءِ دیمروئی ءِ سفر ءَ توامیں مذہبی براتی آنی بے دروریں کرد ءَ را منگ ءِ عزم ءِ درشان اِنت۔
