لاہور۔20اپریل (اے پی پی):مزن وزیر محمد شہباز شریف ءَ پولیو ءَ را ملک ءَ چہ سرجمی ءَ ھلاس کنگ ءِ جزم ءِ درشان کنان ءَ گوشت کہ حکومت پولیو ءِ ھلاپ ءَ جنگ ءِ واستہ یک جامع ءُ یکجاھیں حکمت عملی ءِ سر ءَ عمل کنگ ءَ اِنت ءُ چاگرد ءِ درستیں تک ءُ پھنات ءَ را وتی کرد پیلو کنگی اِنت۔ یک شمبے ءِ روچ ءَ ادا پولیو مہم ءِ بنگیجی مراگش ءَ گوں تران کنان ءَ مزن وزیر ءَ گوشت کہ پولیو ءِ وڑیں وائرس ءِ نادراھی نہ ایوک ءَ زھگ آنی واستہ بلکینگ ءَ سرجمیں چاگرد ءِ واستہ ھم ھترہ اِنت ءُ ایشی ءِ ھلاسی ایوک ءَ سرکاری کوشست آنی وسیلگ ءَ بوت نہ کنت بلکیں والدین، استاد، زانتکار ءُ میڈیا ءَ را سرجمیں رنگ ءَ کار کنگی اِنت۔ آئی ءَ گوشت کہ حکومت پولیو ءِ ھلاسی ءِ واستہ یک سرجمیں ءُ یکجاھیں حکمت عملی ءِ سر ءَ عمل کنگ ءَ اِنت، ایشی ءِ چیر دستی ءَ نہ ایوک ءَ زھگ آناں دروازگ ءِ سر ءَ روگ ءَ چہ پولیو ءِ ھلاپ ءَ ویکسین کنگ بوھگ ءَ اِنت بلکیں پولیو ءِ کارندہ آنی رکھینگ ءِ واستہ ھاسیں سیکورٹی بندوبست ھم کنگ بوتگ تانکہ آ وتی راجی ذمہ واری آنی تہ ءَ بے ترس ءُ بیم ءَ پیلو بہ کن اَنت۔ مزن وزیر ءَ پولیو ءِ ھلاسی ءِ واستہ کار کنوکیں توامیں فیلڈ ورکر، رضاکار ءُ جان سلامتی ءِ محکمہ ءِ کارندہ آناں خراج تحسین پیش کت، ایشانی محنت ءَ چہ شپ ءُ روچ پاکستان ءَ پولیو ءِ کیس آنی تہ ءَ مزنیں کمی یے اتکگ۔ آئی ءَ ورلڈ ہیلتھ آرگنائزیشن (ڈبلیو ایچ او)، بل اینڈ ملنڈا گیٹس فاؤنڈیشن، یونیسیف ءُ ایندگر میاں اوستمانی شریک آنی شگر ءُ منت گپت کہ آہاں پاکستان ءَ پولیو ءِ ھلاسی ءِ واستہ برجاھیں کمک کتگ۔ چے ءُ ہر گرانیں وھد ءَ پاکستان ءِ سرکار ءِ کش ءَ اوشتات کنت۔ مزن وزیر ءَ راج ءَ گوں دزبندی کتگ کہ آ وتی پنچ سال ءَ کم عمریں چک آناں پولیو ءِ ڈراپ بہ دنت پرچا کہ یک ڈراپے نہ ایوک ءَ وتی زھگ ءَ را زندمان ءِ نادراھی ءَ چہ رکین ایت بلکینگ ءَ سرجمیں ملک ءِ واستہ ایمنیں باندات ءِ ضمانت ھم دات کنت۔ آئی ءَ وتی جزم ءِ درشان کت کہ تاں وھد ءَ پاکستان ءِ حکومت داں وھدیکہ پولیو ءِ سرجمی ءَ ھلاس کنگ مہ بیت ءُ زھگانی واستہ ہر قیمت ءَ رژنائیں ءُ ایمنیں باندات ءَ را دل یکیمی کنگ مہ بیت۔ مزن وزیر ءَ وفاقی جان سلامتی ءِ وزیر سید مصطفیٰ کمال ءُ پولیو ءِ ھلاسی ءِ ھاتر ءَ فوکل پرسن عائشہ رضا ءَ ھوار سرجمیں پولیو کمپین ٹیم ءِ شگر ءُ منت گپت۔ ایشی ءَ چہ پیسر مزن وزیر شہباز شریف ءَ زھگ آناں اینٹی پولیو ڈراپ ءِ دیئگ ءَ چہ 7 روچی راجی پولیو مہم ءِ باقاعدہ بنگیج کت۔ اے مہم 21 اپریل ءَ بگر داں 27 اپریل ءَ سرجمیں ملک ءَ برجاہ بیت، ایشی ءِ مول ءُ مراد پاکستان ءَ چہ پولیو وائرس ءِ سرجمیں ھلاسی ءَ را دل یکیمی کنگ اِنت۔
