اسلام آباد۔20اپریل (اے پی پی):سینیٹ ءِ چیئرمین سید یوسف رضا گیلانی ءَ مذہبی کارانی وفاقی وزیر مملکت کھیئل داس کوہستانی ءِ گاڑی ءِ سر ءَ اُرش ءِ سک باز مذمت کتگ ءُ گوشت کہ ملک ءَ السی نمائندگ آنی سر ءَ اُرش جمہوریت ءِ سر ءَ اُرش ءِ برابر اِنت، ایشی ءِ تہ ءَ کانود ءِ سر ءَ ھچ وڑیں اُرش ناقابل قبول اِنت۔ سینیٹ سیکرٹریٹ میڈیا ڈائریکٹوریٹ ءِ نیمگ ءَ جاڑی بوتگیں بیان ءِ تہ ءَ سینیٹ ءِ چیئرمین سید یوسف رضا گیلانی ءَ اے غمناکیں وئیل ءَ خیال داس کوہستانی ءِ جان سلامتی ءِ ھاتر ءَ ھُدا ءِ شگر ءُ منت گپت۔ سید یوسف رضا گیلانی ءَ خیال داس کوہستانی ءِ واستہ نیکیں واھگ ءِ درشانی کت ءُ اے جھٹکا ءَ چہ زوت وش بوھگ ءِ دعا کت۔
