اسلام آباد۔20اپریل (اے پی پی):وفاقی جان سلامتی ءِ وزیر سید مصطفیٰ کمال ءَ گشتگ کہ پاکستان ءَ جان سلامتی ءِ شوبگ ءَ بازیں پٹ ءُ پول کنگ بوہگ ءَ انت بلے ایشی ءِ سرا عمل کنگ بوہگ ءَ نہ انت۔ اے ھیالانی درشانی وفاقی جان سلامتی ءِ وزیر مصطفیٰ کمال ءَ کراچی ءَ جان سلامتی ءِ پٹ ءُ پولی ایڈوائزری بورڈ ءِ مراگش ءَ گوں تران کنان ءَ کت۔ آئی ءَ انکشاف کت کہ پولیو ءِ ھلاسی ءِ واستہ اوگانستان پاکستان ءَ چہ گیش جوانیں کوشست کنگ ءَ انت۔من ءَ ترس اِنت کہ بوت کنت پاکستان ءَ چہ پیسر اوگانستان پولیو ءَ ھلاس بہ کنت۔ من لوٹاں کہ پاکستان ءُ اوگانستان یکجائی ءَ پولیو ءِ ھلاسی ءَ بہ کن اَنت۔ مصطفیٰ کمال ءَ گوشت کہ پاکستان ءِ جان سلامتی ءِ جیڈھ آنی گیواری ٹیکنالوجی ءُ موبائل فون ءِ کارمرد کنگ ءَ انت۔ آئی ءَ گوشت کہ مزنیں نادراھجاھ 70درسد نادراہ آنی بار ءَ برداشت کنگ ءَ اَنت، ءُ بنجاھی ءُ دومی درجہ ءِ جان سلامتی ءِ کمی اِنت۔ مصطفیٰ کمال ءَ گیش گوشت کہ ھر شہری ءِ راجی شناختی کارڈ ءِ نمبر آئی ءِ میڈیکل ریکارڈ نمبر جوڑ بوھگ ءَ اِنت۔ آ اسلام آباد ءَ روت ءُ چہ جان سلامتی ءِ پٹ ءُ پولی مشاورتی بورڈاں رپورٹ ءُ پٹ ءُ پول ءِ لوٹ کنت ءُ ایشی ءَ را نفاذ کنت۔ آئی ءَ اپسوز ءِ درشانی کتگ ءُ گوشت کہ وفاقی وزارت جاندراھی ءُ وانگ ءُ زانگ ءُ وفاقی جاندراھی ادارگ الس ءِ درد ءَ را کم کنگ ءَ نہ انت بلکیں ایشی ءَ را گیش کنگ ءَ انت۔ وفاقی وزیر ءَ گوشت کہ دوا سازی ءِ صنعت سی ای او ڈاکٹر عبید اللہ ءِ شخصیت ءَ امنیں دستاں انت۔ سید مصطفیٰ کمال ءَ گوشت کہ وزارت جان سلامتی یک مشکلیں وزارت انت، انسانیت ءَ گوں دیم پہ دیم بوھگ ءِ وھد ءَ ردی ءِ گنجائش نیست انت۔ زانگ بہ بیت ششمی انٹرنیشنل میڈیکل ریسرچ کانفرنس گیٹس فارما کراچی آڈیٹوریم ءَ بوھگ ءَ انت۔ ڈراپ، نیشنل انسٹی ٹیوٹ آف ہیلتھ اسلام آباد ءِ کارندہ ءُ ہمے رنگ ءَ سرکاری ءُ غیر سرکاری ہسپتال ءُ یونیورسٹی آنی کارندہ اے دیوان ءَ بہر زورگ ءَ انت۔
