ملتان۔ 20 اپریل (اے پی پی):سینیٹ ءِ چیئرمین سید یوسف رضا گیلانی ءَ یک شمبے ءِ روچ ءَ ملتان ءِ آشارہ کیسی ءَ سیاسی رہشون مرحوم قیصر عباس ران ءِ قل خوانی ءِ مراگش ءَ شریک بوتگ۔ چیئرمین سینیٹ ءَ تران کنان ءَ بیران بوتگیں مردم ءِ سیاسی ءُ چاگردی ازمتانی توسیپ کتگ ءُ گشتگ کہ بیران بوتگیں مردم ءُ آئی ءِ پت ملک غلام سرورران ءِ گوما دیریں سیادی است انت ۔ مرحوم ءُ آئی ءِ پت ءِ وتی دمگ ءِ ھاترا کتگیں ھزمت مدام یات کنگ بنت۔ آیاں پہ وتی پدمنتگیں دمگ ءِ مردمانی وشھالی ءَ بازیں کارے کُت کہ شموشگ نہ بیت۔ پد ءَ سید یوسف رضا گیلانی ءَ مرحوم ءِ بچ ملک سرمد ران ءِ پاگ بستگ ءُ مرحوم ءِ اڑ ءِ برز کنگ ءِ دعا کتگ۔ قل خوانی مراگش ءَ ایم این اے سید علی موسیٰ گیلانی، سید علی قاسم گیلانی، صوبائی اسمبلی ءِ پیسریگیں باسک سید احمد مجتبہ گیلانی، ملک نور حسین دهار، ایم پی اے ملک واصف مظہر ران، ملک الطاف ظرتالہ، ملک نصیم، ملک ناکے ءَ بہر زرتگ ات۔ رہشون ملک اللہ دیتا کاشف، ملک مکی ماہے، ملک ریاض دیورا، مہر اشتیاق احمد، ملک اسد پنور، سید مصطفیٰ شاہ گیلانی، دمگ ءِ مزنیں مردم ءُ مزنیں کساسے ءَ مردم ھوار بوتگ انت۔ مراگش ءِ گڈسرا پیر سید اشتیاق احمد شاہ ءَ بیران بوتگیں مردمانی ارواہ ءِ آسودگی ءُ فلسطین ءِ شہیدانی واستہ دعا ونت۔
