اسلام آباد۔20اپریل (اے پی پی):راجی اسمبلی ءِ اسپیکر ایاز صادق ءُ ادارُکی اسپیکر سید غلام مصطفیٰ شاہ ءَ عیسائی کمیونٹی ءُ عیسائی کمیونٹی ءَ گوں سیادی داروکیں پارلیمنٹ ءِ باسک آناں ایسٹر ءِ روچ ءَ مبارک بات دیگ ءِ وھد ءَ گوشت کہ ایسٹر وشھالی، امن ءُ براتی ءِ کلوہ ءَ سر کنت۔ حضرت عیسیٰ صلى الله عليه وسلم ءَ امن، مہر ءُ رواداری ءِ سبق داتگ۔ حضرت عیسیٰ (ص) ءِ امن، مہر ءُ رواداری ءِ پیغام پہ درستیں قومانی ھاتر ءَ مشعل راہ اِنت۔ یک شمبے ءِ روچ ءَ ادا جاڑی بوتگیں بیان ءِ رد ءَ راجی اسمبلی ءِ اسپیکر ءَ گوشت کہ اقلیت آناں آئینی ھک آنی سرجمیں رکھینگ است انت، اقلیت آناں پاکستان ءِ آئین ءِ رد ءَ مذہبی رسم آنی برجم دارگ ءِ آجوئی است انت، ءُ عیسائی کمیونٹی پاکستان ءِ دیمروئی ءِ تہ ءَ فخر مندیں کرد پیلو کنگ ءَ انت۔ ادارُکی اسپیکر ءَ عیسائی کمیونٹی ءُ عیسائی کمیونٹی ءَ گوں سیادی داروکیں پارلیمنٹ ءِ باسک آناں ایسٹر ءِ روچ ءَ ھم مبارکی دات ءُ گوشت کہ اقلیت آناں مذھبی آجوئی ءِ پھجارینگ آئینی ءُ راجی ذمہ واری اِنت۔ سید غلام مصطفیٰ شاہ ءَ گوشت کہ عیسیٰ مسیح ءِ پیغام درستیں راج آنی واستہ رژنائی ءِ چراگ اِنت، عیسائی کمیونٹی ءِ ھزمت ناقابل فراموش اَنت، پیپلز پارٹی ءَ مدام اقلیت آنی ھک آنی حمایت کتگ۔
