مزن وزیر شہباز شریف ءِ گشگ انت کہ باکو ءُ لاہور ءِ نیام ءَ پی آئی اے ءِ براہ راست بالی گرابانی بندات ءَ چہ سیل ءُ سواد ءِ شوبگ ءَ را دیمروئی دیگ ءَ کمک رسیت

لاہور۔20اپریل  (اے پی پی):مزن وزیر محمد شہباز شریف ءَ لاہور ءَ چہ باکو ءَ پی آئی اے ءِ براہ راست بالی گراب آنی بندات کنگ ءِ سر ءَ وشی ءِ درشان کنان ءَ گوشت کہ باکو ءُ لاہور ءِ نیام ءَ پی آئی اے ءِ براہ راست بالی گراب آنی بندات ءَ چہ سیل ءُ سواد ءِ شوبگ ءَ را دیمروئی دیگ ءَ کمک رسیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پی آئی اے ءِ ایندگر دوستیں ملک آنی گوما براہ راست بالی گراب زوت بندات کنگ بنت، لاہور باکو ءِ براہ راست بالی گراب آنی لیکہ ءِ سر ءَ۔ مزن وزیر ءَ گوشت کہ اے پاکستان ئِ واستہ سفارتی تک ءَ مزنیں سوبمندی یے۔ آذربائیجان پاکستان ءِ دمگ ءِ جوانیں سنگتاں چہ یکے ۔ مزن وزیر ءَ گوشت کہ آزربائیجان ءِ گوما سیل ءُ سواد ءَ ھوار ایندگر شوبگ آنی تہ ءَ ھم کمک کنگ ءِ واستہ کوشست کنگ ءَ آں۔