سعودی عرب ءِ سفیر ءَ وفاقی داخلہ ءِ وزیر ءَ گوں گند ءُ نند کتگ، وت مہ وتی مفاد، دو نیمگی سیادی ءِ دیمروئی ءُ وت مہ وتی کمک ءَ را گیش کنگ ءِ جیڈھ آنی سر ءَ گپ ءُ تران کتگ

اسلام آباد۔20اپریل  (اے پی پی):وفاقی تہی کارانی وزیر محسن نقوی ءَ سعودی عرب ءِ سفیر نواف بن سعید احمد المالکی ءَ گوں گند ءُ نند کتگ ءُ وت مہ وتی مفاد، دو نیمگی سیادی ءِ دیمروئی ءُ وت مہ وتی کمک ءَ را گیش کنگ ءِ جیڈھ آنی سر ءَ گپ ءُ تران کتگ۔ یک شمبے ءِ روچ ءَ ادا جاڑی بوتگیں بیان ءِ رد ءَ سعودی سفیر ءَ تہی کارانی وزیر محسن نقوی ءَ را سعودی سفارت خانہ ءِ ڈپلومیٹک انکلیو ءَ سر بوھگ ءِ سر ءَ وش آتک کتگ۔ تہی کارانی وزیر محسن نقوی ءَ سعودی عرب ءِ حکومت ءُ سفیر ءِ شگر ءُ منت گپت کہ آہاں اقتصادی ءُ چاگردی شوبگ ءَ پاکستان ءِ سرجمی ءَ کمک کتگ۔ آئی ءَ گوشت کہ خلیج کوآپریشن کونسل ءِ انسداد منشیات کانفرنس ءَ سعودی عرب ءِ مزن تک ءِ ڈل ءِ بھر زوری ءِ پد ءَ پاکستان منت وار اِنت ءُ منشیات ءِ ھلاپ ءَ جنگ ءُ انسانی دزگیری ءِ گر ءُ دار ءِ واستہ سعودی عرب ءِ گوما کمک ءَ را گیش کنگ لوٹ ایت۔ محسن نقوی ءَ گوشت کہ فقیر ءُ ناجائزیں امیگریشن ءِ بند کنگ ءِ واستہ پاسپورٹ ءِ گرگ ءِ واستہ نوکیں شرط ایر کنگ بوھگ ءَ انت، فقیر مافیا ءِ ھلاپ ءَ محاصرہ گیش ترند کنگ بوتگ۔ آئی ءَ گوشت کہ سعودی شہری پاکستان ءَ آھگ ءِ واستہ ھچ وڑیں ویزہ نیست، آ کجام وھد ءَ لوٹ ایت اتک کن انت۔ وزیر داخلہ محسن نقوی ءَ منشیات ءِ کیس ءَ ہواریں بے گناہیں ھاندان ءِ یلہ کنگ ءِ واستہ سعودی حکومت ءُ سفیر ءِ ھم منت گپت۔ محسن نقوی ءَ گوشت کہ سعودی عرب ءَ بے گناھیں کھول ءِ یلہ کنگ ءُ واتر کنگ ءِ واستہ بازیں کمک کتگ۔ سعودی عرب ءِ سرکار ءِ ھمکاری ءَ چہ 5 ھاندان ءِ مردم یلہ کنگ بوتگ اَنت ءُ وتی ڈیھ ءَ واتر کنگ بوتگ اَنت۔ سعودی سفیر ءَ گوشت کہ پاکستان ءِ گوما سک باز نزیکیں سیادی است انت۔ گیشتر دیم ءَ برگ لوٹ ایت۔