لاہور۔20اپریل (اے پی پی):وفاقی وزیر اطلاعات ءُ شنگکاری عطا اللہ تارڑ ءَ پاکستان ءِ جوڑیشت ءُ دیمروئی ءِ تہا عیسائی کمیونٹی ءِ کرد ءَ را مزنیں شگر ءُ منت ءِ درشان کنان ءَ گشتگ کہ عیسائی کمیونٹی ءَ مدام راجی پرچم ءِ تہا اسپیتیں رنگ داشتگ، ءُ آہانی حقانی رکھینگ منی فرض انت۔ یک شمبے ءِ روچ ءَ ایسٹر ءِ موہ ءَ وتی حلقہ ءَ برجم داشتگیں مراگش ءَ گوں گشتانک دیان ءَ وفاقی وزیر ءِ اھوالکاری ءَ گوشت کہ من ھما مردمانی تہ ءَ ھوار آں کہ آہاں نہ ایوک ءَ پاکستان ءِ جوڑیشت ءَ بلکینگ ءَ ملک ءِ جوڑیشت ءُ دیمروئی ءِ تہ ءَ ھم جوانیں ازمت کتگ۔ من 70،000 عیسائی ووٹر ءِ نمائندگی کناں، کہ من ءَ ایشی ءِ سر ءَ فخر اِنت۔ آئی ءَ وتی پارٹی ن لیگ ءِ راہشون محمد نواز شریف، مزن وزیر شہباز شریف، پنجاب ءِ سر وزیر مریم نواز شریف، ءُ حمزہ شہباز شریف ءِ نیمگ ءَ ایسٹر ءِ موہ ءَ عیسائی برادری ءَ را سلام ءُ دروت دات۔ وفاقی وزیر ءَ گوشت کہ بین المذاہب یکوئی وھد ءِ ضلورت اِنت۔ مارا یک انچیں چاگردے جوڑ کنگی اِنت کہ اودا برات، رواداری، ءُ یکے دومی ءِ احترام ءِ سرا غالب بہ بیت۔ آئی ءَ گوشت کہ من ہر وشی ءُ میلہ ءَ عیسائی کمیونٹی ءِ گوما اوشتاتگ آں ۔ عیسائی کمیونٹی ءَ پاکستان ءِ ھاترا بے دروریں قربانی داتگ، راجی پرچم ءِ تہا اسپیتیں رنگ ایر کتگ، شرتریں جنگی پائلٹ پیداک کتگ ءُ جنگانی تہا وتی جان قربان کتگ۔ آئی ءَ گوشت کہ عیسائی کمیونٹی ءَ ملک ءِ رکھینگ ءُ دیمروئی ءَ مدام کلیدی کرد پیلو کتگ۔ وفاقی وزیر ءِ اھوالکاری ءَ وتی گشتانک ءِ تہ ءَ اے گپ ءِ سر ءَ زور پر دات کہ گوستگیں سال ءِ تہ ءَ ملک اقتصادی دیمروئی ءِ نیمگ ءَ رھادگ بوتگ۔ معیشت ءِ زندگ کنگ ءَ حکومت، مزن وزیر نواز شریف، مریم نواز ءُ چیف آف آرمی اسٹاف جنرل عاصم منیر ءِ یکجائی کوشست ءُ کوشست ہوار انت۔ مرچی سرجمیں دگنیا ءِ مالیاتی ادارہ پاکستان ءِ اقتصادی دیمروئی ءِ توسیپ ءَ کنگ ءَ اَنت ءُ اے درستیں چیز چو “معجزاتی ردوم” ءَ اَنت۔ معیشت گہتر بوہان انت ما اودان پاکستان ءِ نیمگ ءَ جنزان آں ۔ گڈسرا وفاقی وزیر ءِ اطلاعات ءَ گشتگ کہ آ عیسائی کمیونٹی ءِ نمائندہ انت، آہانی ہمراہی ءَ اوشتات کناں، ءُ آہانی حقانی دفاع ءَ برجاہ داراں۔
