اسلام آباد۔19اپریل (اے پی پی):وفاقی وزیر تجارت جام کمال خان ءَ پاکستان انسٹی ٹیوٹ آف فیشن ڈیزائن ءِ تر ءُ تاب کتگ۔ شمبے ءِ روچ ءَ وزارت تجارت ءِ نیمگ ءَ جاڑی بوتگیں بیان ءِ رد ءَ یونیورسٹی انتظامیہ ءِ گوما گند ءُ نند ءَ وفاقی وزیر ءَ را یونیورسٹی ءِ بابت ءَ سرپدی دیگ بوتگ ءُ ایشی ءِ جتا جتائیں پروگرام آنی بابت ءَ سرپد کنگ بوتگ۔ اے موہ ءِ سر ءَ وفاقی وزیر برائے تجارت جام کمال خان ءَ را یونیورسٹی ءِ نیمگ ءَ انڈسٹری ءِ واستہ چست کتگیں گامگیج ءُ ایندگر ھاسیں جیڈھ آنی بابت ءَ ھم سرپد کنگ بوت ایشی ءِ تہ ءَ ڈیزائن ءُ فیشن انڈسٹری ءِ گہتری ءِ واستہ یونیورسٹی ءِ نیمگ ءَ چست کنگ بوھگ ءَ انت ۔ گند ءُ نند ءَ پد وفاقی وزیر ءَ یونیورسٹی ءِ جتاجتائیں دمگ آنی تر ءُ تاب ھم کتگ ءُ جتاجتائیں پڑ آنی تہ ءَ نودربر آنی نیمگ ءَ کتگیں کار آنی سر ءَ ھم چار ءُ تپاسی کتگ۔ آئی ءَ نودربراں جوڑ کتگیں جتا جتائیں کارانی ھم چار ءُ تپاس کتگ کہ آھانی تہ ءَ ٹیکسٹائل، سیرامکس، چمڑہ ءُ زیور ھوار اَنت۔ وفاقی وزیر تجارت جام کمال خان ءَ ہم وتی تاثرات یونیورسٹی ءِ کتاب ءَ نبشتہ کتگ انت۔
