راولپنڈی۔19اپریل (اے پی پی):چیف آف آرمی اسٹاف جنرل سید عاصم منیر ءَ گوشت کہ پاک فوج ءِ ٹیم اسپرٹ یک جوانیں فورمے کہ ایشی ءِ تہ ءَ بھر زوروکیں درستیں سپاھیگ آنی پیشہ وارانہ فوجی مہارت ءُ تاکتیکی مہارت ءَ را جوانیں رنگ ءَ یکجا کنگ بیت، ایشی ءَ چہ جنگی کرد ءِ ردوم ءِ وھد ءَ سک باز لوٹوکیں ٹیم اسپرٹ ءَ را دیمروئی دیگ بیت۔ شمبے ءِ روچ ءَ انٹر سروسز پبلک ریلیشنز ءِ نیمگ ءَ چہ جاڑی بوتگیں پریس ریلیز ءَ گوشت کہ آرمی چیف ءَ 8می میاں اوستمانی پیٹس مقابلہ ءِ گڈی مراگش ءَ گوں تران کنان ءَ آرمی چیف ءَ مشق ءِ جتا جتائیں بھر آنی تہ ءَ پیشہ وارانہ ، جسمانی ءُ ذہنی برداشت ءُ مزنیں اخلاقی کارکردگی ءِ سر ءَ ٹیم آناں توسیپ کت۔ آئی ءَ گوشت کہ اے مول ءُ مراد ءِ واستہ پاک اُرد ءَ ”ھما کردار، دلیری ءُ توانائی برجم داشتگ کہ مئے سپاھیگ آناں ناشرکاری ءِ ھلاپ ءَ جنگ ءَ انچو جوانیں رنگ ءَ پیش داشتگ“۔ آئی ءَ گوشت کہ اے رنگیں ایکسرسائز ءَ چہ یک دومی ءَ چہ دربرگ ئِ موہ رس ایت۔ اے مقابلہ 14 ءَ بگر داں 18 اپریل 2025ءَ کھریان گیریسن ءَ برجم دارگ بوتگ ات، آرمی چیف ءَ گڈی مراگش ءَ مستریں مہمان ءِ بستار ءَ بہر زرتگ ات۔ گھنٹہ ءِ دراجیں گشت ءِ مشق ءِ مول ءُ مراد فورم ءِ شریکیں مردمانی نیمگ ءَ نوکیں ھیال ءُ لیکہ / تجربگ آنی شیئرنگ ءِ وسیلگ ءَ جنگی مہارت آناں گیش کنگ بوتگ۔ مشق ءَ پاک فوج ءِ 7 ٹیم، پاک بحریہ ءِ یک ٹیم ءُ بحرین، بیلاروس، چین، سعودی عرب، مالدیپ، مراکش، نیپال، قطر، سری لنکا، ترکی، امریکہ ءُ ازبکستان ءَ ہوار دوستیں ملک آنی پانزدہ ٹیم ءَ بہر زرتگ۔ ایشی ءَ ابید بنگلہ دیش، مصر، جرمنی، کینیا، میانمار ءُ تھائی لینڈ ءِ نمائندگاں نگدکار ءِ بستار ءَ اے مشق ءِ چار ءُ تپاس کتگ۔ اے مشک پنجاب ءِ نیم کوہی دمگاں کنگ بوتگ ۔ اے مشق دوستیں ملک آنی واستہ یک سکیں مقابلہ ءِ پیشہ وارانہ فوجی سرگرمی ءِ رنگ ءَ زانگ بیت۔ گڈسرا آرمی چیف ءَ مشک ءِ بہر زوروکاں انفرادی ءُ ٹیمی ایوارڈ دات انت۔ مراگش ءَ بھر زوروکیں ملک آنی میاں اوستمانی ناظرین ءُ دفاعی اٹیچ آں ھم بھر زرتگ ءُ مراگش ءِ پیشہ وارانہ تنظیم سازی ءِ ستا کرتگ۔
